पुस २५, २०८०
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
उपप्रधानमन्त्री तथा रक्षामन्त्री ईश्वर पोखरेलले सिंगो लुम्बिनी क्षेत्रको विकासको लागि संघीय सरकारले जिम्मा लिने बताएका छन् ।
उनले केन्द्रमा एउटा सरकार छ भन्ने मानसिकताबाट प्रभावित भएर माथि मात्र हेर्न थालिए विकास नहुने बताए ।
लुम्बिनी बौद्ध विश्वविद्यालयको केन्द्रीय कार्यालयमा निर्मित प्रज्ञास्तुपको उद्घाटन एवं बुद्ध अस्थिधातु प्रतिस्थापन समारोहलाई बिहीवार लुम्बिनीमा सम्बोधन गर्दै मन्त्री पोखरेलले संविधानमा किटान गरिएका कामहरुमा आधारित भएर प्रदेश सरकार र स्थानीय सरकार काम गर्नुपर्ने बताए ।
उनले कुनै चुनौतीपूर्ण काम भए वा काम गर्दा बाधा आए त्यसमा संघीय सरकार सहयोग गर्न तयार रहेको बताए । ‘पर्यटन क्षेत्रको विकासको कुरा गर्दा केवल प्राकृतिक ढंगले निर्मित चिजलाई मात्र देखाउँदैछौं, अहिलेको प्रसंगसित सुहाउने हिसाबले त्यसको निर्माण गर्न सकेका छैनौं,’ उनले भने । हिजो बुद्धको जन्म लुम्बिनीमा भएको प्रसंगबाट मात्र विश्व चर्चित हुन नसकिने भएकाले यसलाई अहिलेको आवश्यकता अनुसार परिमार्जन गरी समृद्धि र विकासतर्फ लैजानुपर्ने उनले बताए ।
‘विकास गर्ने हो भने गतिका साथ अगाडि बढ्ने कुरामा जोड दिनुपर्छ, आजको आवश्यकतालाई सम्बोधन गर्ने र जनताको जीवनसँग सम्बन्धित भएर अगाडि बढ्नुपर्छ,’ मन्त्री पोखरेलले भने । १५ वर्षसम्म लुम्बिनी बौद्ध विश्वविद्यालयको यात्रा कसरी गुज्रियो भन्नेबारे वस्तुनिष्ठ समीक्षा हुनुपर्ने उनको भनाइ थियो ।
समीक्षा गर्दा बितेका दिनको कमीकमजोरीलाई मात्र नहेरी भविष्यमा गर्नुपर्ने कामबारे मार्गचित्र बनाएर अगाडि बढ्नुपर्ने बताए । विकासलाई जनताको स्थितिसँग गास्नुपर्ने उनले बताए । मन्त्री पोखरेलले अब अलमलको अवस्था रहन नहुने बताए ।
शिक्षा, विज्ञान तथा प्रविधि मन्त्री एवं लुम्बिनी बौद्ध विश्ववद्यालयका सहकूलपति गिरिराजमणि पोखरेलले विश्वविद्यालयको भीडमा लुम्बिनी बौद्ध विश्वविद्यालयले छुट्टै पहिचान बनाउन कसरी सक्छ भन्नेबारे सोच्न आवश्यक रहेको बताए । उनले झैंझगडालाई वैज्ञानिक रुपमा समाधान गर्नुपर्ने बताए । मन्त्री पोखरेलले विश्वविद्यालयलाई सामाजिक विकाससँग जोड्नुपर्ने बताए । अबको अपेक्षा भनेको प्राज्ञिक गरिमाको विकास रहेको उनको भनाइ थियो ।
प्रदेश ५ सरकारका उद्योग, पर्यटन, वन तथा वातावरण मन्त्री लिला गिरीले लुम्बिनी बौद्ध विश्वविद्यालयले छोटो समयमा प्रगति गरेको बताए । उनले संघीयताको मर्म अनुसार लुम्बिनी विकास कोषलाई प्रदेश र स्थानीय सरकारसँग जोड्नुपर्ने बताए ।
राष्ट्रियसभाका प्रमुख सचेतक खिमलाल भट्टराईले लुम्बिनी क्षेत्रको बस्तीको विकास विना समग्र लुम्बिनीको विकास हुन नसक्ने दाबी गरे । उनले लुम्बिनी क्षेत्रको जनताको माग अनुसार अगाडि बढ्नुपर्ने बताए । भट्टराईले बौद्ध विश्वविद्यालयको उन्नति र प्रगतिको लागि भूमिका निर्वाह गर्न तयार रहेको बताए ।
लुम्बिनी विकास कोषका उपाध्यक्ष अवधेशकुमार त्रिपाठीले लुम्बिनी बौद्ध विश्वविद्यालयले बिस्तारै बौद्ध संस्कृति अँगाल्दै गएको बताए । उनले लुम्बिनी विकास कोषले बौद्ध विश्वविद्यालयसँग हातेमालो गर्दै आएको बताए ।
प्रदेशसभा सदस्य फकरुद्धिन खाँले कसैको एकल प्रयासबाट मात्रै मुलुकमा परिवर्तन नआएको बताए । उनले अहिलेसम्म सबैभन्दा बढी चुनौती प्रदेश सरकारलाई नै रहेको बताए ।
लुम्बिनी बौद्ध विश्वविद्यालयका रजिस्ट्रार डा. तिलकराम आचार्यले म्यानमारबाट ल्याइएको अस्थिधातु प्रतिस्थापन गरिएको बताए । उनले बौद्ध दर्शन अध्ययन अध्यापन हुने स्थानमा बौद्धसँग सम्बन्धित संरचना निर्माण हुनुपर्छ भन्ने कुराको आवश्यकता महसूस गरिएको बताए ।
आचार्यले बौद्ध विश्वविद्यालय गठन भएको १५ वर्ष भएपनि ५ वर्षदेखि शैक्षिक कार्यक्रम सञ्चालन भइरहेको जानकारी दिए ।
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...