उपसभामुख डा. शिवमाया तुम्बाहाम्फेलाई नै सभामुख बनाउन मौलिक जरोकिलो पार्टीले अनुरोध गरेको छ ।

सत्तारुढ दल नेपाल कम्युनिस्ट पार्टी (नेकपा) ले उपसभामुख तुम्बाहाम्फेलाई राजीनामा गराएर सभामुख पदमा पुरुष व्यक्तिलाई निर्वाचित गराउन लागेको भन्ने समाचार सार्वजनिक भइरहेकामा मौलिक जरोकिलो पार्टीको महिला विभागले गम्भीर ध्यानाकर्षण भएको जनाएको छ । 

सभामुख पद रिक्त भएको अवस्थामा उपसभामुख तुम्बाहाम्फेलाई राजीनामा गराउनु भनेको एउटाको अपराधको सजाय अर्कोलाई दिनु जस्तै भएको र जुन घोर अन्यायपूर्ण कार्य हुन जाने महिला विभाग संयोजक हिराकुमारी लामिछानेले शुक्रवार जारी गरेको विज्ञप्तिमा उल्लेख छ ।

उपसभामुखको कार्यसम्पादनको मूल्यांकन गरी तुम्बाहाम्फेलाई नै सभामुख बनाउनु न्यायसंगत हुने मौलिक जरोकिलो पार्टी महिला विभागको ठहर छ ।