मंसिर ६, २०८०
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
पुस १, २०७६
प्रमुख प्रतिपक्षी दल नेपाली कांग्रेसका वरिष्ठ नेता रामचन्द्र पौडेलले तरुण दल र नेविसंघ दुवैको समानान्तर समिति निर्माण गर्ने तयारी थालेका छन् ।
कांग्रेसभित्र विगत केही दिनयता देखिएको विवाद समाधान गर्न नेताहरूले तीव्र दौडधूप गरिरहेपनि विवाद समाधानको दिशातर्फ उन्मुख छैन, झनै उत्कर्षमा पुगिरहेको छ ।
'वरिष्ठ नेता पौडेलले सभापतिसँग नेविसंघ वा तरुण दलमध्ये कुनै एकको नेतृत्व माग्नुभएको छ,' स्रोतले लोकान्तरलाई भन्यो, 'यदि त्यसमा देउवाले सहमति नजनाए समानान्तर समिति घोषणा गर्ने तयारी छ ।'
समानान्तर समिति घोषणा गर्न तयारी गरिरहेको पौडेल पक्षले तयारीस्वरूप नेविसंघ र तरुण दलको छुट्टाछुट्टै बैठक बोलाएको छ । 'मनोजमणि आचार्य र दीपक भट्टराईको टीमसँग आज उहाँहरूले छुट्टै छलफल गर्ने कार्यक्रम छ,' स्रोतले भन्यो, 'आचार्य र भट्टराई दुवैलाई समानान्तर समिति घोषणा गर्न तपाईंहरू तयार भएर बस्नुस् भनेर नेता पौडेलले भन्नुभएको छ ।'
सभापति देउवाले राजीव ढुंगाना, वरिष्ठ नेता पौडेलले आचार्य र भट्टराईमध्ये कुनै एक र सिटौला पक्षले कुन्दन काफ्ले र युवराज पाण्डेमध्ये कुनै एकलाई नेविसंघको सभापति बनाउनुपर्ने अडान राखेका छन् ।
तर सिटौलापक्षले आफूले सभापति पाउनुपर्ने अडानमा लचिलो देखिएको छ । काफ्ले वा पाण्डेलाई सभापति बनाउनुपर्ने सिटौला पक्षको अडान भएपनि नेविसंघमा पहिला रहेको सिटौला पक्षको प्रतिनिधित्व कायम राख्ने हो भने सभापतिमा राखेको अडान फिर्ता हुने सम्भावना कायमै रहेको स्रोतको दाबी छ ।
सभापति देउवासँग सहमति नभए पौडेल पक्षले तरुण दलको पनि समानान्तर समिति घोषणा गर्ने तयारी गरिरहेको बताइएको छ ।
नाम उल्लेख नगर्ने शर्तमा तरुण दलको पौडेल पक्षका एक नेताले लोकान्तरसँग भने, 'हामीले समानान्तर समिति घोषणा गर्ने व्यापक तयारी गरिरहेका छौं । त्यसैको तयारीस्वरूप आज अपराह्न हाम्रो समूहको बैठक बोलाइएको छ ।'
आइतवार अपराह्न पौडेल पक्षले नेविसंघ र तरुण दलको छुट्टाछुट्टै बैठक बोलाएको हो ।
तरुण दलमा सभापति देउवाले जितजंग बस्नेत, वरिष्ठ नेता पौडेलले भुपेन्द्रजंग शाही र सिटौला पक्षले नारायण भट्टराईलाई नेतृत्व दिनुपर्ने अडान राख्दै आइरहेका छन् ।
केही दिनयता लगातार केन्द्रीय समिति बैठक बहिष्कार गर्दै आइरहेको पौडेलपक्षलाई सहमतिमा ल्याउन देउवा पक्षको प्रयास कायमै छ ।
सहमतिकै लागि भनेर शनिवार सभापति देउवाले उपसभापति निधिलाई अगाडि सारेर वार्ता समिति पनि गठन पनि गरेका छन् । समितिमा पौडेलपक्षबाट प्रकाशमान सिंहलाई अगाडि सारिएको थियो ।
वार्ता समितिले निरन्तर बैठकहरू बोलाएर सहमतिको प्रयास गर्ने प्रयास जारी राखेको अवस्थामा पौडेलपक्षले नेविसंघ र तरुण दलमा समानान्तर संगठन घोषणा गर्ने तयारी गरेको हो ।
पार्टी नै फोरेर गए भइहाल्यो नि - देउवा पक्ष
सभापति देउवा पक्षले भने समानान्तर समिति घोषणा गर्ने विषय हावादारी भएको बताएको छ ।
लोकान्तरसँग कुरा गर्दै देउवापक्षीय एक नेताले भने, 'हामीलाई कांग्रेस कमजोर बनाएको आरोप लगाउने उहाँहरूले नै यस्तो हर्कत गर्न खोज्ने ? यसरी कांग्रेस बलियो हुन्छ ?'
उनले समानान्तर समिति घोषणा हुनै नसक्ने बताए । 'एक दुईजनाको लहडमा समानान्तर संगठन बन्ने भए बनाए हुन्छ । त्यतिमात्र होइन, पार्टी नै फोरेर गए भइहाल्यो नि ! विधि र विधानको वकालत गर्ने अनि बैठकमा सहभागी नहुने प्रवृत्ति उहाँहरूमा देखियो । आफूले भनेजस्तो भए विधि हुने नत्र नहुने भन्ने कुरा कसरी तर्कसंगत हुन्छ ?'
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...