तयार हुँदै उपेन्द्रको राजीनामाको ड्राफ्ट

समाजवादी पार्टीले सरकार छाड्ने भएको छ ।

पार्टीका केन्द्रीय कार्यसमिति अध्यक्ष समेत रहेका उपप्रधान एवं कानून मन्त्री उपेन्द्र यादवले आजै राजीनामा दिने तयारी गरेका छन् ।

उनीसँगै समाजवादी पार्टीकै तर्फबाट सरकारमा प्रतिनिधित्व गरेका सहरी विकास मन्त्री मोहम्मद ईश्तियाख राईले पनि राजीनामा दिँदैछन् ।

समाजवादी पार्टीका मन्त्रीहरूको राजीनामा आज साँझसम्ममा आउने स्रोतले जानकारी दियो ।

'राजीनामाको ड्राफ्ट भइरहेको छ,' समाजवादी पार्टी उच्च स्रोतले भन्यो, 'आजै साँझसम्ममा राजीनामा आउँछ ।'

सरकारमा सहभागी हुँदा प्रमुख सत्तारुढ दल नेकपासँग भएको सहमतिअनुसार संविधान संशोधनको पहल नभएको कुरालाई उपेन्द्रले सरकार छाड्नुको मुख्य कारणको रूपमा उल्लेख गर्दैछन् ।