ग्वाटेमालामा राष्ट्रपति पदबाट हटेर प्रान्तीय संसद्को सदस्य हुन लागेका जिम्मी मोरालेसलाई मंगलवार राति विरोधकर्ताहरूले अण्डा प्रहार गरेका छन् । अण्डा प्रहारमा उपराष्ट्रपति जाफेथ काबरेरा पनि परेका छन् ।

उनीहरूले अभियोजनबाट उन्मुक्ति पाउनका लागि क्षेत्रीय संसद्को सदस्य बन्न खोजेका थिए । 

प्रान्तीय संसद्को अस्थायी हेडक्वार्टरका रूपमा रहेको होटलमा पस्दै गर्दा विरोधकर्ताहरूले हत्यारो भन्दै मोरालेसका सुरक्षाकर्मीहरूसँग धक्कामुक्की गरे र चर्को आवाजको पटाका पड्काए । 

त्यसको केही क्षणपछि उनीहरूले प्लास्टिकबाट बनेको कुरा र अण्डा प्रहार गरे । 

मोरालेस र काबरेरा प्रान्तीय संसद् सदस्यको शपथ लिनका लागि होटल जाँदै गर्दा विरोधकर्ताहरूले होटलमा पस्न अवरोध गर्न खोजेका थिए । 

उनीहरूले शपथ नलिउन्जेलसम्म पक्राउ पर्ने सम्भावना छ । 

निर्वाचन अभियानमा आर्थिक घोटाला गरेको आरोपमा मोरालेसमाथि अनुसन्धान चलेको थियो । राष्ट्रपतिको पदमा रहुन्जेल उनलाई अभियोजनबाट उन्मुक्ति प्राप्त थियो ।

एजेन्सी