शहीद स्मारक ‘ए’ डिभिजन लीग फूटबल प्रतियोगिताअन्तर्गत आइतवार भएको पहिलो खेलमा संकटा क्लबले हिमालयन शेर्पा क्लबलाई पराजित गरेको छ ।

त्रिपुरेश्वरस्थित दशरथ रंगशालामा भएको खेलमा संकटाले हिमायन शेर्पालाई १–० गोलअन्तरले पराजित गरेको हो । संकटाले १० खेलमा १५ अंक जोडेको छ ।

अजयी मार्टिन्सले संकटाका लागि निर्णायक गोल गरे । उनले खेलको २१औं मिनेटमा क्षितिज राज जिटीको पासमा गरेको एक गोल नै संकटाका लागि निर्णायक गोल सावित भयो । जीतसँगै संकटा छैठौं स्थानमा उक्ललिएको छ । समान १० खेल पूरा गरेको हिमालयन शेर्पा सात अंकका साथ अंक तालिकाको बाह्रौं स्थानमा छ ।