बलिउड नायिका दिशा पाटनी आफ्नो आगामी फिल्म ‘मलंग’ को प्रमोशनमा व्यस्त छिन्। यो फिल्मको ट्रेलर सार्वजनिक भइसकेको छ। 

मलंगमा दिशासँगै आदित्य राय कपूरको पनि अभिनय छ। 

दिशा पाटनी र टाइगर सराफको नाम कयौँ पटक जोडिएको छ। यी दुबै कयौँ ठाउँ सँगसँगै घुमेका छन्। 

उनलाई हालै मात्र भारतीय पत्रकारहरुले माया, प्रेमबारे सोधका थिए। जवाफमा दिशाले भनेकी छन्, ‘माया, प्रेम जीवनमा धेरै आवश्यक चिज हो। यसबाट हौसला पनि मिल्छ। जीवनमा सबै चिज मायाका लागि गरिन्छ, मायाकै कारण।’

दिशाले भनेकी छन्, ‘माया विना जोकोही कसरी रहन सक्छन् ?’

दिशाले अन्तर्वार्तामा जीवनको निजी अनुभव सुनाएकी छन्।  दिशाले भनेकी छन्, ‘मलाई पनि पहिलो नजरमा माया भएको थियो।  मेरा लागि माया धेरै जरुरी हो।’

दिशाले भनेकी छन्, ‘म यस्तो खास प्रेमी खोजिरहेकी छु। जो मलाई स्पेशल प्रेमिकाझै महसुस गराउन सकोस्।’ -एजेन्सी