काठमाडौं, २५ मंसिर– मंसिर १० र २१ गते गरी दुई चरणमा सम्पन्न प्रदेश र प्रतिनिधिसभा निर्वाचनको नतिजा आउने क्रम पनि अन्तिम चरणमा पुगेको छ । यसपटकको निर्वाचनमा नेपालको राजनीतिक इतिहासमा पहिलोपटक प्रदेशसभाका सांसद पनि चुनिएका छन् । 

देश संघीय शासन व्यवस्थामा गएपछि भएको पहिलो चुनाव भएकाले मुलुकमा पहिलोपटक प्रदेश सरकार पनि गठन हुँदै छ । मतगणना अन्तिम चरणतर्फ आउँदै गर्दा अबको ध्यान ७ प्रदेशमध्ये कहाँ कसको सरकार बन्छ भन्नतर्फ आकर्षित हुने देखिन्छ । 

अहिलेसम्म सार्वजनिक भएको नतिजा हेर्दा नेकपा एमालेबाट सबै प्रदेशमा गरी १६० जना प्रदेशसभा सदस्य निर्वाचित भएका छन् । नेकपा माओवादीबाट ६९ र नेपाली कांग्रेसबाट ३८ जना प्रदेशसभा सदस्य निर्वाचित भएका छन् । 

संघीय समाजवादी फोरमबाट २२ र राष्ट्रिय जनता पार्टीका १५ जना प्रदेशसभा सदस्य निर्वाचित भएका छन् । 

प्रदेशगत हिसावले हेर्दा प्रदेश नम्बर २ बाहेक अन्य प्रदेशमा संघीय फोरम र राजपाको खासै राम्रो उपस्थिति देखिन्न । यद्यपि प्रदेश २ मै पनि राजपा र फोरमले मिले र सरकार बनाउने अवस्था भने अहिले नै स्पष्ट भइसकेको छैन । 

निर्वाचन आयोगले सोमवार अपराह्नसम्म सार्वजनिक गरेको प्रदेशसभा सदस्यमा विजयी हुने उम्मेदवारको सूची यसप्रकार छ,