काठमाडौं ७ फागुन– राष्ट्रपति विद्यादेवी भण्डारीले फागुन २१ का लागि संसदको अधिवेशन आह्वान गरेकी छिन् ।

प्रधानमन्त्रीको सिफारिशमा राष्ट्रपति भण्डारीले फागुन २१ गते अपरान्ह ४ बजेका लागि संघीय संसदको अधिवेशन आह्वान गरेकी हुन् ।

‘नेपालको संविधानको धारा ९३ को उपधारा (१) बमोजिम सम्वत् २०७४ साल फागुन २१ गते सोमबारका दिन १६ बजे अन्तराष्ट्रिय सम्मेलन केन्द्र, नयाँ बानेश्वरमा संघीय संसदको अधिवेशन आह्वान गर्नुभएको छ’ राष्ट्रपति कार्यालयका प्रवक्ता कुलप्रसाद चुडालले भने । 

प्रतिनिधि सभा निर्वाचनको अन्तिम परिणाम घोषणा भएको ३० दिनभित्र संसदको अधिवेशन बोलाउनु पर्ने संवैधानिक व्यबस्था छ । निर्वाचन आयोगले फागुन २ गते प्रतिनिधि सभाको अन्तिम नतिजा राष्ट्रतिलाई बुझाएको थियो ।

ढिलोमा चैत्र २ गतेसम्म संसदको अधिवेन आह्वान गर्नु पर्ने संवैधानिक बाध्यता थियो ।