धनगढी, १९ बैशाख – कैलाली उद्योग वाणिज्य संघ धनगढीमा दर्ता भएका नक्कली सदस्यता खारेजीको माग गर्दै उच्च अदालत दिपायलमा रिट निवेदन दर्ता भएको छ ।

संघका सदस्य एंव धनगढी उपमहानगरपालिका–४ का स्थानीय जयराज न्यौपानेले बुधबार  रिट दायर गरेका हुन् । उनले जिल्ला प्रशासन कार्यालय, कैलाली उद्योग वाणिज्य संघ, धनगढी उपमहानगरपालिकालगायत १० वटा संघसंस्था तथा व्यक्तिलाई प्रतिवादी बनाई रिट दायर गरेका हुन् ।

संघको यहि वैशाख २२ गते हुने निर्वाचनको सरगर्मी बढेको बेला चैत १३ र १४ गते मात्रै एक हजार दुई सय नक्कली सदस्यता वितरण गरेको निवेदक न्यौपानेको दाबी छ । छानविन गरी नक्कली सदस्यता खारेज गर्नुपर्ने र २२ गते तोकिएको निर्वाचन रद्द गरिनुपर्ने माग गरेको उनले जनाए । रिट निवेदन उप्पर भोलि सुनुवाई हुने जनाइएको छ ।

यसैबीच संघको नेतृत्वको लागि हाल दुई प्यानल चुनावी दौडाहामा लागेको छ । संघका वर्तमान कार्य समिति कोषाध्यक्ष पुष्प कुँवर र महासचिव रुपेश स्वाँरको प्यान चुनावी घरदैलो अभियानमा जुटेको छ ।