कात्तिक ८, २०८०
असोज तेस्रो साता बिहीबार, बुकीबाट गोठ औल झर्ने दिन । लाहुरेहरू आउनु र बुकीबाट गोठालाहरूको हुल गाउँमा झर्नु दशैंको रौनक हो । ‘भोलि साँझ डाँफे चराउन जाने’, सुत्ने बेला गोठमा सल्लाह भयो । घर...
अक्षरकर्मी
अहिलेका सम्पादक र उहाँमा फरक छ...अखबारको मालिकले जति स्वतन्त्रता दिएको छ त्यत्ति लेख्छ, छाप्छ अहिलेको सम्पादकले । मणिबाबुको यिनीहरूसँग तुलना हुँदैन’
हालै प्रकाशित मणिराज उपाध्याय स्मृतिग्रन्थमा माथिको उध्दरण भेटिन्छ । यो कथन राजनीतिज्ञ विश्वबन्धु थापाको हो । थापा आफैं पाको उमेरका राजनीतिक व्यक्तित्व, तर उहाँले समकालीन नेपालको पत्रकारितालाई समेत नजिकबाट नियालिरहेको देखियो । थापाको यो अवधारणा चरितार्थ गराउने एक जल्दोबल्दो घटना फागुनको आरम्भमा भएको थियो : फागुन ७ गते वार्षिकोत्सव मनाउने क्रममा एक सम्पादकले ट्वीटर मार्फत के कुरा सार्वजनिक गरे भने उनी प्रकाशकले दिएको स्वतन्त्रता उपयोग गर्दैछन् र त्यस बापत उनैप्रति कृतज्ञ छन् । अर्थात् सम्पादक भएर पनि संविधानले दिएका स्वतन्त्रता,हक र अधिकारलाई भन्दा बढी महत्व प्रकाशकबाट प्राप्त स्वतन्त्रतालाई दिने गरेका छन् !
यस्तै प्रवृत्तिलाई देख्दा मलाई बराबर ‘साहुका सम्पादक’ को सम्झना हुने गर्छ । जो देशको मूल कानूनले प्रदान गरेको अधिकार पनि प्रयोग गर्ने हिम्मत राख्दैन त्यस्ताबाट साँच्चिकै आँटिला काम कसरी हुन सक्ला ? भन्नै परेन,यस्ता सम्पादक पाठकप्रति उत्तरदायी हुने आशा गर्नु निरर्थक हुन्छ । रेडियोका श्रोता, टेलिभिजनका दर्शक र अन्लाइनका उपभोक्ता बहुधा यस्तै सञ्चारकर्मीको निशानामा परेका हुन्छन् । अग्रज पत्रकार भैरव रिसालको चिन्ता पनि यहाँछेउ सान्दर्भिक देख्छु ।
*****
मणिराज उपाध्याय ( वि.सं. १९८०-२०७३) को पत्रकारितालाई चिन्ने वरिष्ठ पत्रकार आदित्यमान श्रेष्ठको आलेख पढ्दा यस्तो जानकारी पाइन्छ : नेपालको पानी भारतको लागि कति महत्वपूर्ण छ भन्ने कुरा आजभन्दा ६० वर्षअगाडि मणिराजजीको अखबारमा प्रकाशित सामग्रीले देखाएको छ ।...६० वर्षपछि हाम्रा जल विशेषज्ञ भन्दैछन् कि भारतको स्वार्थ नेपालमा उत्पादन हुने विद्युत् होइन, नेपालको पानी हो । यही कुरा केही महिनाअघि इजरायल पुगेका भारतका प्रधानमन्त्री नरेन्द्र मोदीले समकक्षी बेञ्जमिन नेतन्याहुसित गरेछन् ।
कीर्तिनिधि बिष्ट दिवंगत भैसक्नु भएको छ । निधन हुनुअघि दिएको अन्तर्वार्तामा उहाँले मणिबाबुलाई ‘पायोनियर पत्रकार’ मान्नु भएको छ । ‘नलेखिएको इतिहास’ पुस्तक लेखेर हालै चर्चामा रहेका वामपन्थी नेता राधाकृष्ण मैनालीलाई निज वीरगञ्ज कारागारका बन्दी रहँदा ‘समाज’ पत्रिकाका सम्पादक मणिराजजीले भेट्नु भएको रहेछ । मैनाली : उहाँ वामपन्थी कार्यकर्ता पनि होइन र नेपाली काँग्रेसको सदस्य पनि होइन । तर उहाँमा समाज र देश विकासको प्रगतिशील सोच थियो, त्यसैले उहाँ मलाई भेट्न आउनु भयो ।
मणिराजजीलाई नजिकबाट चिनेका, बुझेका नेपालीले उहाँ संवैधानिक मर्यादामा रहेको राजसंस्था सहितको प्रजातन्त्र नेपालको लागि आवश्यक ठान्ने एक निर्भीक पत्रकार भन्न रुचाउँछन् । यो दृष्टिकोण स्मृतिग्रन्थमा छापिएका कतिपय संस्मरणबाट पुष्टि हुन्छ । २००७ सालको परिवर्तनपछि नेपालमा निजीक्षेत्रमा पत्रकारिताको जग हाल्ने ८-१० जना पत्रकारमा मणिराजजी पर्नुहुन्छ । गोपालदास श्रेष्ठ, चन्द्रलाल झा, मदनमणि दीक्षित, गोविन्द वियोगी यस क्रममा सम्झना गरिने केही नाम हुन्; अहिले दीक्षित मात्र हामीबीच हुनुहुन्छ । >आधा शताब्दीको कठोर संघर्ष< शीर्षकमा रघु मैनालीद्वारा लिखित ३६ पृष्ठको आलेखले मणिराज उपाध्यायको असाधारण साहस र धैर्यसित पाठकलाई परिचित गराउँछ । शासक प्रशासकलाई बिझाउने समाचार, टिप्पणी, अग्रलेख आदि लेखे/छापे बापत दर्जनौं पटक थुनछेक बेहोरेका उपाध्यायका बारेमा घमराज लुइँटेल र ब्रजेशराज शर्माबाट विस्तृत जानकारी आएको छ । उहाँको फूटबल खेलाडीको चिनारी पनि रोचक रहेछ ।
स्मृतिग्रन्थ पाँचशयभन्दा बढी पृष्ठमा छ, र यसलाई ११ अध्यायमा बाँडिएको छ । उपाध्यायको व्यक्तित्व झल्काउने संस्मरणात्मक विवरणका अतिरिक्त यस ग्रन्थमा सातसालपछिको लामो कालखण्डमा नेपाली पत्रकारिता कुन ढङ्ग र बेगले विकसित हुँदै आयो त्यसको तथ्यगत जानकारी पाइन्छ । ग्रन्थको सम्पादन र प्रकाशनमा पत्रकार र ‘समाज’ पत्रिकाका व्यवस्थापक नै संलग्न भएको हुनाले २०५३ साल पौषमा कस्तो परिस्थितिमा त्यो पत्रिका सदाको लागि बन्द गरियो त्यसको आधिकारिक सूचना समावेश भएको छ । त्यसैले मैले प्रेस स्वतन्त्रता र पत्रकारिताबारे अन्वेषण गर्नेहरूको लागि यो संग्रहणीय पुस्तक मानेको हुँ । ग्रन्थको आवरणमा मुद्रित ‘सतिसाल’ लाई बृहत् शब्दकोशले ‘ चुरो खुब बलियो हुने एक जातको रूख ’ भनेर अर्थ्याएको छ । उपाध्यायलाई सुहाउँदो चिनारी गराउने लवज हो यो ।
*****
कृति : पत्रकारिताका सतिसाल
सम्पादकमण्डल: ब्रजेशराज शर्मा, रघु मैनाली, घमराज लुइँटेल र जीवनाथ खनाल
प्रकाशक: ब्रजेशराज शर्मा, काठमाडौं । ९८५१००४७०८
संस्करण : प्रथम; २०७४
पृष्ठ : ५१५ +
सहयोग रकम (मूल्य): पाँचशय रुपिञा
असोज तेस्रो साता बिहीबार, बुकीबाट गोठ औल झर्ने दिन । लाहुरेहरू आउनु र बुकीबाट गोठालाहरूको हुल गाउँमा झर्नु दशैंको रौनक हो । ‘भोलि साँझ डाँफे चराउन जाने’, सुत्ने बेला गोठमा सल्लाह भयो । घर...
गुणराज ढकाल सामाजिक सञ्जालमा अभ्यस्त हुन थालेपछि अध्ययन गर्ने बानी निकै घटेको छ । सामाजिक सञ्जालमा आउने टिप्पणीबाटै हामीले आफ्नो दृष्टिकोण बनाउने गर्दछौं । विषयको गहिराइसम्म पुगेर अध्ययन तथा विश्लेषण गर...
लोकान्तर डट्कमका स्तम्भकार कमल रिजालसहित २२ जना साहित्यकार तथा प्रतिभालाई नइ पुरस्कार प्रदान गरिएको छ । गोरखापत्रका पूर्वप्रधान सम्पादकसमेत रहेका साहित्यकार रिजाललाई संस्कृतिमा प्राज्ञिक योगदानका लागि ’नइ...
सानीमा भेट्न चितवन गएको थियो गोपाल चार दिन हिँडेर । राप्ती किनार नजिकको सानो गाउँमा बस्दै आएकी थिइन् उनी, जो पहाडमा खान लाउन नपुगेपछि केही वर्ष अघि पुगेकी हुन् त्यतातिर । त्यतिबेला अहिलेजस्तो यातायातको साधन...
गोपी मैनाली कविहरूले केका लागि कविता लेख्छन् भन्नेमा मत्यैक्यता पाइँदैन । कोही आनन्दका लागि भन्छन्, त कोही उपयोगिताका लागि । अझ कोही त अभिव्यञ्जनाको अर्को उद्देश्य नै हुँदैन भन्ने गर्छन् । ...
दिवंगत साहित्यकार प्रकट पङ्गेनी (शिव) का प्रकाशन हुन बाँकी कृति गण्डकी प्रज्ञा–प्रतिष्ठानले प्रकाशन गरिदिने भएको छ । प्रतिष्ठानका कुलपति सूर्य खड्का विखर्चीको अध्यक्षतामा बिहीबार बसेको बैठकले गजलकार ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...