काठमाडौं, २४ जेठ – तिरुनेलवलीको एक ग्यांगस्टर पछि गएर मुम्बईको धारावीको किङ बनेको अनि उसले शक्तिशाली नेता तथा भूमाफियाबाट जमीनलाई सुरक्षित राख्नका लागि लडाईं लडेको कथा कालामा छ । 

यसपाली निर्देशक पा रञ्जीतले भूमिमा सामान्य मानिसको अधिकार छ भन्ने सन्देश दिन खोजेका छन् । यसका लागि उनले रजनीकान्तको स्टारडमको उपयोग गरेका छन् । 

कथा सरल छ । तमिलनाडुबाट आएका एक प्रवासी मुम्बईको प्रसिद्ध झोपडपट्टी धारावीमा बस्छ र त्यसलाई राम्रो बनाउने प्रयास गर्छ । त्यसका साथै ऊ शहरलाई पनि चलाउने प्रयास गर्छ । त्यतिखेरै एक भूमाफिया समेत रहेको दुष्ट
नेताको नजर उसको जमीनमा पर्छ र त्यसलाई पाउनका लागि संघर्ष शुरू हुन्छ । 

फिल्म शुरू हुन्छ एनिमेटेड स्टोरी भन्ने डिभाइसबाट । ठ्याक्कै बाहुबलीमा जस्तै । त्यसमा जमीनको महत्त्वका साथसाथै शक्तिका भोकाहरूले कसरी गरीबको दमन गर्छन् भन्ने बताउँछ । त्यसपछि फिल्मको कथा तुरुन्तै वर्तमान
समयमा आइपुग्छ । दुष्ट र भ्रष्ट नेताले धारावीलाई ध्वस्त पारेर त्यसलाई डिजिटल धारावी र मुम्बईको मुख्य स्थानमा परिणत गर्न चाहन्छन् । 

सुपरस्टार रजनीकान्तको काला नामबाट मीठो परिचय दिइन्छ । पात्रको पूरा नाम कारीकालान हो । 

इन्टरभलअघिको भाग मसला स्टन्ट सिक्वेन्सले भरिएको छ । मुम्बईका फ्लाइओभरहरूमा फाइट सिक्वेन्स मज्जाले देखाइएको छ । दुष्ट हरि दादा (नाना पाटेकर) ले कालासँग संघर्षका क्रममा उनको प्रेमलाई हरण गरेपछि रजनीकान्तले
आफ्नो टिपिकल धमाल स्टाइल देखाउन थाल्छन् । 

फिल्ममा नाना पाटेकर र रजनीकान्तको संघर्ष हेर्न लायक छ । दुवैको संघर्षले पैसावसूल मनोरञ्जन दिन्छ ।

फिल्मको क्लाइमेक्स गजबको छ । 

रजनीकान्तका टेक्निकल क्रू सिनेमाटोग्राफर मुरली, संगीत निर्देशक सन्तोष नारायण, एडिटर श्रीकर प्रसाद र आर्ट डाइरेक्टर रामालिंगमले राम्रो काम गरेका छन् । 

रजनीकान्तको फ्यान वा एक्स फिल्म हेर्ने रुचि छ भने काला तपाईंका लागि राम्रो खुराक हो ।

नवभारत टाइम्समा प्रकाशित सुब्रमण्यम सूर्यनारायणनको समीक्षाको भावानुवाद