अभिनेता राजेश हमालबारे नकारात्मक टीकाटिप्पणी कमै हुने गरेको छ । 

सामाजिक सञ्जालमा पनि उनीबारे आलोचना गरेको खास्सै पाइँदैन । तर, यसपटक भने फेसबुक पोष्टमा राजेशले आलोचना खेपेका छन् । उनले फेसबुकमा पोष्ट गरेको तस्वीरलाई लिएर फ्यानहरु रिसाएका छन् । 

राजेशले शनिवार ‘मधुमस्ती’ क्याप्सनमा श्रीमती मधु भट्टराईसँगका केही तस्वीरहरू फेसबुकमा सेयर गरेका छन् । ​​

भूकम्पले ठूलो क्षति पुर्याएको समयमा आएको उक्त पोष्टलाई फ्यानहरूले अशोभनीय भएको प्रतिक्रिया दिएका छन् । 

राजेश भुलको प्रतिक्रिया छ, ‘राजेश दाई तपाई हामी सबैको रोल मोडल हो । तपाई हाम्रो आदर्श हो । आज पूरा नेपाल देश जाजरकोटको भूकम्पले मर्माहत भएका छौँ । अनि हजुर जस्तो महानायकले आजकै दिन यस्तो फोटो सामाजिक सञ्जालमा पोस्ट गर्न अलिकति पनि सुहाएन । यो पोस्टले के दर्साउँछ भने हाम्रो देशका जनतालाई जे सुकै होस् हजुरलाई केही मतलब भएन ।’ ​

प्रतिक्रियाहरू हेर्दा, दर्शकका प्रिय यी अभिनेता जनतालाई पीडा परेको समयमा समाजसेवामा पनि लागेको फ्यानहरुले हेर्न चाहेको बुझ्न सकिन्छ । 

जाजरकोटलाई केन्द्रविन्दु बनाएर शुक्रवार राती गएको भूकम्पमा परेर १ सय ५७ जनाको मृत्यु भएको छ ।