निर्देशक राजु गिरीले ‘ईश्वर’ नामक चलचित्र निर्माणको घोषणा गरेका छन् । दिव्या कंगना फिल्मसको प्रस्तुतिमा बन्ने चलचित्रमा गिरीको लेखन एवं निर्देशन रहनेछ । यसमा पटकथा एवं संवाद भोजराज देवकोटाको रहनेछ । 

हरि बहादुर थापा र शंकर गिरी निर्माता रहने चलचित्रमा राजेन्द्र बजगाईँ र वीपी वाग्लेको संगीत, देव महर्जनको द्धन्द्ध रहनेछ । 

चलचित्रका लागि कलाकारहरू केही दिनमा फाइनल गरिने निर्देशक गिरीले बताए । छायांकन भने माघको २८ गतेबाट मात्रै सुरु हुने उनले जानकारी दिए । गिरीको निर्देशन रहेको चलचित्र ‘नम्बरी सुन’ प्रदर्शनमा आएपछि मात्रै उनले नयाँ चलचित्रको छायांकन गर्ने तयारी गरेका हुन् । 

‘नम्बरी सुन’ माघको १९ गतेबाट देशव्यापी प्रदर्शनमा आउँदैछ ।