काठमाडौं, ४ असार – जर्मनीविरुद्धको खेलमा एक गोल हानेपछि समर्थकहरूले खुशियाली मनाउँदा मेक्सिकोमा भूकम्प गएको छ । 

हिर्भिङ लोजानोले निर्णायक गोल गरेपछि मेक्सिकोका लाखौं समर्थकहरू एकैचोटि उफ्रिएका थिए जसकारण कृत्रिम भूकम्प गएको हो । लोजानोको गोलले ल्याएको खुशीले गर्दा उफ्रिएका समर्थकहरूका कारण मेक्सिको सिटीका
भूकम्पमापक यन्त्रहरूले कृत्रिम भूकम्प दर्ज गरेका हुन् । 

शहरको बीचमा रहेको जोकालो स्क्वेयरमा लाखौं समर्थकहरू एक ठूलो टीभी स्क्रीनमा खेल हेरिरहेका थिए ।

यो जीतसँगै मेक्सिकोले विश्वकप नै जित्न सक्ने भनी मेक्सिकनहरूले आशा गरेका छन् । मेक्सिकोको अहिलेसम्मको राम्रो प्रदर्शन भनेको सन् १९७० र १९८६ मा क्वार्टरफाइनलसम्म मात्र पुगेको छ । 

एजेन्सी