मंसिर २९, २०८०
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
बुटवल– सार्वजनिक जग्गा प्रशस्त भएपनि रूपन्देहीका अधिकांश स्थानीय तहका वडा कार्यालय भाडाका घरमा सञ्चालन भएका छन् ।
कतिपयले भवन बनाउन शुरू गरेका छन् भने कतिपयले बजेटमा प्राथमिकता दिएर काम शुरू गरेका छन् । निर्वाचन भएको १ वर्ष बितिसक्दा समेत आफ्नै भवन बनाउन जनप्रतिनिधिको ध्यान पुग्न सकेको देखिएको छैन । अधिकांश वडा कार्यालय भाडाका घर, खानेपानी, सामुदायिक वनका भवनमा राखिएका छन् । केही स्थानीय तहका प्रमुख प्रशासनिक भवन समेत भाडामै छन् ।
केही स्थानीय तहले एउटै भवनबाट ४ वडाको काम गर्दै आएका छन् । जसले गर्दा जनतालाई सेवा लिन समस्या खेप्नुपरेको छ । रूपन्देहीका १६ वटा स्थानीय तहमा १ सय ५० वडा छन् । तीमध्ये १ सयभन्दा बढी वडाका आफ्नै भवन छैनन् । ५ पटकसम्म लगायत नेपालकै उत्कृष्ट नगरपालिका घोषित भएको बुटवल उपमहानगरपालिकाले अहिलेसम्म आफ्ना वडा कार्यालय बनाउन सकेको छैन ।
बुटवल उपमहानगरपालिकाका ९ वटा वडा भाडाका भवनमा सञ्चालित छन् । बुटवलमा १९ वटा वडा कार्यालयहरु छन् । बुटवलका ४, ५, ६, ८, १०, १४, १६, १८ र १९ नम्बर वडा कार्यालय भाडाका घरमा रहेको नगरपालिकाका उप्रमुख गोमादेवी आचार्यले जानकारी दिइन् ।
उनले भनिन्, ‘यस पटक आफ्नै भवन नभएका वडाका लागि बजेट छट्याउँदै छौं । अबको २ वर्षभित्र नगरका सबै वडा आफ्नै भवनबाट सञ्चालन गर्ने तयारीका साथ जुटेका छौं ।’ बुटवलको १० नम्बर वडाका वडाध्यक्ष पदम थापाले भाडाका भवनबाट काम गर्न कठिनाइ भएको बताए । ‘हामीलाई काम गर्न पनि समस्या, कार्यालय व्यवस्थापदेखि सेवाग्राहीसम्मलाई समस्या छ । अब आफ्नै भवन बनाउनुको विकल्प छैन,’ उनले भने ।
तिलोत्तमा नगरपालिकाको हालत पनि उस्तै छ । १७ वटा वडा रहेको तिलोत्तमा नगरपालिकाका पनि ९ वटा वडा कार्यालय भाडामा छन् । १, ३, ४, ८, ९, १०, ११, १३, १५ र १६ नम्बर वडा भाडाका घरमा सञ्चालनमा छन् । तिलोत्तमा नगरपालिकाका प्रमुख वासुदेव घिमिरेले वडा कार्यालयका लागि जग्गा खोजी भइरहेको बताए ।
तिलोत्तमा नगरको प्रमुख प्रशासनिक भवन पनि भाडामै छ । ‘हाम्रो नगरपालिका नयाँ हो,’ प्रमुख घिमिरेले भने, ‘हाम्रा संयुक्त वडा कार्यालय कुनै पनि छैनन् । एकल वडा कार्यालय चलाएका छौं । वडा कार्यालयका लागि आफ्नै भवन बनाउन उपयुक्त जग्गा खोजी भइरहेको छ । कतिपयका लागि आगामी आर्थिक वर्षको बजेटमा रकम पनि छुट्याएका छौं ।’
देवदह नगरपालिकाको एउटा (१२ नम्बर) बाहेक अरू सबै सार्वजनिक, आमा समूह, कृषि कार्यालयका भवनबाट चलेका छन् । १, २, ३ र ४ नम्बर वडा साविक केरवानी गाविसको भवनमा राखिएको छ ।
५ नम्बर वडा कार्यालय कृषिको भवन, ६, ७ र ८ आमा समूहको भवन, ९ सामुदायिक वनको भवन, १० चरङ्गे खानेपानी र ११ सामुदायिक वनको भवनमा राखेर काम गर्नुपर्ने अवस्था रहेको नगर प्रमुख हिराबहादुर खत्रीले जानकारी दिए । खत्रीले भने, ‘भवन बनाउने तयारीमा छौं । कर्मचारी पनि समायोजना हुन सकेका छैनन् । जसले गर्दा काम गर्न अप्ठ्यारो देखिएको छ ।’
लुम्बिनी सांस्कृतिक नगरपालिकाका १३ वटा वडामध्ये भवन नहुँदा वडा कार्यालयहरू संयुक्त रूपमा सञ्चालनमा छन् । नगरपालिकाका प्रमुख मनमोहन चौधरीले आगामी वर्ष ४ वटा वडा कार्यालय भवन बनाई छुट्टाछुट्टै रूपमा सञ्चालन गर्ने बताए ।
सैनामैनाका १३ वडामध्ये अधिकांश संयुक्त रूपमा पुराना गाविस भवन र खानेपानी तथा सामुदायिक वनका भवनमा राखिएका छन् । जसले गर्दा सेवाग्राही टाढा–टाढाबाट कार्यालयमा आउन कठिनाइ भएको छ ।
१ नम्बर वडा कार्यालय खानेपानीको भवन, २ र ४ साविक पर्रोहा गाविस, ६ र ७ साविक गाविस भवन, ८ र ९ सामुदायिक भवन र १० र ११ साविक सालझण्डी गाविस भवनमा छन् । सैनामैनाले आफ्नो नयाँ प्रमुख प्रशासनिक भवन निर्माण गरेर त्यहीँबाट सेवा शुरू गरेको छ । केही वडा कार्यालयको भवन निर्माणका लागि प्रक्रियासमेत शुरू भएको नगरका प्रवक्ता रत्नबहादुर पौडेलले जानकारी दिए ।
शुद्दोधन गाउँपालिकाका ७ वटामध्ये सबै संयुक्त रूपमा सञ्चालनमा छन् । गाउँपालिकाका अध्यक्ष किशुनसिंह चौधरीले साविक गाविस भवनलाई वडा कार्यालयका रूपमा प्रयोग गरिएको बताए । ‘साविक ख वनगाईको गाविस भवनमा १ र २, फर्साटिकरमा ३ र ४, वडा नम्बर ५ आफ्नै भवनमा र ६ र ७ मानमटेरियाको गाविस भवनमा रहेका छन्,’ अध्यक्ष चौधरीले भने । सिद्धार्थनगरका १३ वडामध्ये धेरै वडा आफ्नै भवनमा सञ्चालनमा रहेको बताइएको छ ।
कोटहीमाई, मर्चवारी, मायादेवी, रोहणी र सम्मरीमाई, सियारीका ७/७ वटा वडा छन् भने कञ्चनका ५, ओमसतियाका ६ र गैडहवाका ९ वटा वडा छन् । ती सबै गाउँपालिकामा संयुक्त रुपमा साविक गाविस भवनमा सञ्चालन गरिएको छ । पुराना एउटा गाविसलाई एउटा वडाका रूपमा विभाजन गरिएको छ ।
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
महेन्द्रनगर– दुईतिर भारतको सीमा जोडिएको कञ्चनपुरमा सशस्त्र प्रहरी बलले अवैध ढङ्गले ल्याइएका रु ८८ लाख बराबरका सामान नियन्त्रणमा लिएको छ । महेन्द्रनगरस्थित सशस्त्र प्रहरी बल नंं ३५ गणका अनुसार गत फागुनपछि ...
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
स्वास्थ्य तथा जनसंख्या मन्त्री उपेन्द्र यादवका छोरा अमरेन्द्र यादवले मन्त्रालयमा 'छायाँ मन्त्री'को झल्को दिनेगरी काम गरिरहेको चर्चा हुन थालेको छ । मन्त्री यादवले गर्नुपर्ने कामसमेत स्वकीय सचिवको रूपमा रहेका ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...