काठमाडौं – रुसमा सम्पन्न फूटबल विश्वकपभरि सामाजिक सञ्जाल ट्विटरमा कुल ११५ अर्ब इम्प्रेसन आएका छन् । विश्वकपका सबै ६४ म्याचको यो संयुक्त आँकडा हो । 

फाइनलमा फ्रान्सले क्रोएसियालाई ४–२ ले हरायो । त्यसमा फ्रान्सका किलियन एम्बाप्पेले दोस्रो हाफमा एक गोल गरे । त्यो गोलपछि ट्विटरमा विश्वकपभरिकै सबभन्दा धेरै इम्प्रेसन आयो । 

ब्राजिलका नेयमार जुनियर आफ्नो गोल र पासभन्दा पनि नाटक गर्दै लडेका कारण विश्वकपभरि ट्विटरमा सर्वाधिक चर्चामा आए । 

ट्विटरले मंगलवार बताएअनुसार, क्वार्टरफाइनलमा बेल्जियमसँग हारेको ब्राजिल सबभन्दा बढी चर्चामा रह्यो । त्यसपछि फ्रान्स र अर्जेन्टिनाले चर्चा बटुले । 

सबभन्दा बढी ट्वीट फाइनलको बेलामा भयो । त्यसपछि चाहिँ ब्राजिल–बेल्जियम क्वार्टरफाइनलका बेलामा र ब्राजिल–मेक्सिको प्रिक्वार्टरफाइनल म्याच तेस्रो नम्बरमा रह्यो । 

एजेन्सी