काठमाडौं – भ्रष्टाचारको मुद्दामा कारावास सजाय काटिरहेकी दक्षिण कोरियाकी पूर्वराष्ट्रपति पार्क ग्वेन हेले देशको जासूसी संस्थाबाट अवैध रूपमा धन प्राप्त गरेको ठहरिएपछि आठ वर्षको अतिरिक्त सजाय तोकिएको छ । 

दक्षिण कोरियाकी पहिलो महिला राष्ट्रपति पार्कले अघिल्लो वर्ष महाअभियोग सामना गरेकी थिइन् । उनलाई भ्रष्टाचार तथा अधिकार दुरुपयोगका लागि २४ वर्षको कारावास सजाय सुनाइएको थियो । 

त्यससँगै जोडिएको मुद्दामा सउल जिल्ला अदालतले पूर्वराष्ट्रपतिलाई जासूसी संस्थाबाट ३.३ अर्ब वोन लिएकोमा ६ वर्ष अनि चुनावसम्बन्धी अपराधका लागि दुई वर्षको सजाय सुनाएको थियो ।

अब अतिरिक्त सजायपछि उनले जेलमा ३२ वर्ष बिताउनुपर्ने भएको छ ।

एजेन्सी