काठमाडौं–एसिया कप क्रिकेट अन्तर्गत सुपर चारको खेलमा भारतले एतिहासिक जित निकालेको छ । चीरप्रतिद्वन्द्वी पाकिस्तानमाथि ९ विकेटको जित दर्ता गरेको छ । 

दुबाईमा भएको खेलमा पाकिस्तानमाथि जित दर्ता गरेको भारत फाइनलमा पुग्न सफल भएको छ । भारतको यो चौथो जित हो । यो एक दिवसीय क्रिकेटमा विकेटको हिसाबले पाकिस्तानमाथि भारतको अहिलेसम्मकै सबैभन्दा फराकिलो जित हो । 

पाकिस्तानले प्रस्तुत गरेको २३८ रनको लक्ष्य भारतले मात्रै एक विकेटको क्षतिमा ३९ ओभर तीन बलमा भेट्टायो । भारतका लागि रोहित शर्मा र शिखर धवनले शतकीय पारी खेले । फाइनल खेल शुक्रबार हुनेछ । त्यसअघि भारतले अफगानिस्तानसँग मंगलबार खेल्नेछ ।