काठमाडौं– चलचित्र ‘रणवीर’को मोसन पोष्टर सार्वजनिक गरिएको छ । सार्वजनिक पोष्टरमा दुई कलाकारद्वय प्रशान्त ताम्राकार र  सुशील सिटौलालाई एङग्री अवतारमा प्रस्तुत गरिएको छ । 

गोविन्द सिंह भण्डारीको निर्देशन रहेको चलचित्रलाई दिपेन्द्र रेग्मी र गोमा विष्टले संयुक्त रुपमा निमार्ण गरेका हुन । चलचित्रमा सुशिल र प्रशान्तसँगै हरिहर शर्मा, नरेश पौड्याल, टिका पहाडी, रवी गिरी, जीवन भट्टराई, वसन्ती भट्ट लगायतको अभिनय छ । चलचित्रबाट कलाकार शुभेच्छा खड्का र सुपुश्पा भट्टले डेब्यू गर्दैछन् । 

चलचित्रमा महेश पौडेलको छायांकन तथा चन्द्र पन्तको द्वन्द्ध, हर्कुलस बस्नेत, सुशान्त गौतम र अमित श्रेष्ठको संगीत रहनेछ । चलचित्रले शिक्षित युवाले समाजमा गर्ने संघर्षको कथालाई लिएर निर्माण गरिएको चलचित्रको प्रदर्शन मिति माघ १८ गते तोकिएको छ ।