काठमाडौं — युरोपेली मुलुक सर्बियाको उत्तरी शहर किकिन्डामा प्रत्येक शिशिर ऋतुमा लाम्काने उल्लु हेर्न हजारौं पर्यटकहरू पुग्ने गरेका छन् । 

तर रोमानियासँग सीमामा रहेको यो सानो शहरमा अहिले अर्कै कुरा आकर्षणको केन्द्रका रूपमा रहेको छ । लिंग आकारको उल्लुको मूर्ति बनाइएपछि शहरमा हंगामा मच्चिएको छ । 

उक्त क्षेत्रमा उल्लुहरूको महत्त्वलाइ झल्काउने हिसाबमा यो मूर्ति बनाइएको हो तर विरोधकर्ताहरूले टेराकोटा मूर्तिको लाम्चो आकारका कारण यो अश्लील भएको भन्दै यसलाई हटाउन माग गरेका छन् । 

‘फ्रायडले यो मूर्तिका बारेमा केही भन्लान् किनकि यो लिंग जस्तै देखिन्छ,’ एकजना विरोधकर्ताले फेसबूकमा लेखे । 

‘अब किकिन्डालाई सबैले हाँसोमा उडाउने भए,’« फेसबूकमा अर्को पोस्ट छ, ‘यो मूर्तिले पौरुषत्व झल्काउँछ, उल्लु हैन,’ अर्का एकजनाले ट्विटरमा लेखे । 

स्थानीय मूर्तिकार योभान ब्लाटसँग प्रतिक्रिया लिन सकिएन । 

एक स्थानीय पत्रिकाका प्रधानसम्पादक जेल्को बोद्रोजिकले यो मूर्ति राखिरहनुपर्ने बताए ।

एजेन्सी