भक्तपुर–बा.५३ प ६५७६ नम्बरको स्कुटर चोरी गरी भाग्दै गरेको अवस्थामा भक्तपुर नगरपालिका-१ सल्लाघारी बस्ने सिन्धुलीका रबिन थापालाई शनिबार बिहान प्रहरीले पक्राउ गरेको छ ।

भक्तपुर नगरपालिका-१ सल्लाघारीस्थित रामभोले मोटर ड्राइभिङ सेन्टरबाट उक्त स्कुटर र २ थान मोबाइल चोरी भएको खबर प्राप्त हुनासाथ घटनामा संलग्नको खोजी गर्ने क्रममा मध्यपुर ठिमी नगरपालिका-४ स्थित चोकबाट थापालाई उक्त स्कुटर र मोबाइल सहित प्रहरीले फेला पारी पक्राउ गरेको हो ।

    यस सम्बन्धमा प्रहरीले आवश्यक अनुसन्धान गरिरहेको जनाएको छ ।