दीपिका पादुकोण भारतीय फिल्म उद्योगकी चर्चित अभिनेत्री हुन् । उनले केही उत्कृष्ठ फिल्म दिएकी छिन् । दीपिकाको फिल्म प्रेमीहरुले ये जवानी है दीवानी, पीकू, पद्मावत, तमाशा जस्ता केही उत्कृष्ठ फिल्म हेर्न पाएका छन् ।

दीपिका अब मेघना गुलजारको आगामी फिल्ममा देखिन लागेकी छिन् । जो एसिड आक्रमण पीडित लक्ष्मी अग्रवालमा आधारित हुनेछ । 

भारतीय सञ्चारमाध्यमहरुका अनुसार दीपिकाले ‘महाभारत’ फिल्ममा काम गर्न इन्कार गरेको समाचारहरु सार्वजनिक भएका छन् । 

आमिर खानको आगामी फिल्म महाभारतमा उनले खेल्ने समाचारहरु सार्वजनिक भइरहेका थिए ।

तर पछिल्लो समाचारहरुका अनुसार दीपिकाले द्रौपदीको भूमिका निभाउनका लागि इन्कार गरेकी छिन् । उनले द्रौपदीको भूमिका निभाउन किन इन्कार गरिन् भन्ने समाचारहरु भने बाहिरिएको छैन ।