काठमाडौं– रसुवा भन्सारका तत्कालीन भन्सार अधिकृतसहित ६ जनाविरुद्ध राजश्व अनुसन्धान विभागले भ्रष्टाचार मुद्दा दायर गरेको छ ।  विभागले ७५ करोड रुपैयाँ मागदाबी गर्दै मुद्दा दायर गरेको हो ।

घोषणा नगरी सामान पास गरेको भन्दै विभागले रसुवा भन्सारका तत्कालीन भन्सार प्रमुख पवित्रकुमार खड्का र नायव सुब्बा धिरजकुमार थापा, मितेरी इन्टरनेसनलका प्रोपाइटर सुमन श्रेष्ठ र सामानधनी रञ्जन त्रिपाठी विरुद्ध जिल्ला अदालत काठमाडौंमा मुद्दा दायर गरेको हो ।

उनीहरुविरुद्ध जनही १५ करोड रुपैयाँको बिगो र ३ वर्ष कैद मागदाबी गरिएको छ । 

गत साउन १८ मा रसुवाबाट पास भएको एक ट्रक सामान विभागले नियन्त्रणमा लिएर अनुसन्धान गरेको थियो । उक्त ट्रक सामान घोषणा नगरी भन्सार पास गराइएको थियो ।