काठमाडौं – चलचित्र ‘व्वाइफ्रेण्ड’ आउँदो  फागुन १० गतेदेखि प्रदर्शनमा आउने भएको छ ।

चलचित्रको प्रदर्शन मिति नजिकिँदै जाँदा चलचित्रको ट्रेलर तथा पोष्टर सार्वजनिक गरेर प्रचार–प्रसारलाई तिव्र पारिएको छ । 

बुढाथोकी फिल्मस् प्रोडक्शन प्रा.लिको प्रस्तुतीमा निर्मित चलचित्रलाई मदन घिमिरेले निर्देशन गरेका हुन् । कृष्ण खनाल निर्माता रहेको चलचित्रका प्रस्तुतकर्ता सूर्य बुढाथोकी हुन् । चलचित्रमा सरोज खनाल, पुष्कर रेग्मी, महिमा सिलवाल, मोहन निरौला, कृष्ण खनाल लगायतको अभिनय छ ।

प्रेमकथामा बनेको चलचित्रमा कृष्ण चापागाइँको कथा, मौनक श्रेष्ठको पटकथा, शंकर महर्जनको द्वन्द्व, टंक बुढाथोकीको संगीत, पुनम राई र राजेन्द्र कमल राईको नृत्य रहेको छ । चलचित्रमा कृष्ण श्रेष्ठको छायाँकन, नविन निरौलाको छायाँकन छ ।