धनगढी – कञ्चनपुरबाट बरामद गरिएको २३ किलो ६ सय ग्राम सुनबारे छानबिन शुरू गरिएको छ ।

राजस्व अनुसन्धान विभागको क्षेत्रीय कार्यालय कोहलपुरले शुक्रवारदेखि नै सुन प्रकरणको अनुसन्धान शुरू गरेको हो ।

क्षेत्रीय अनुसन्धान प्रमुख विनोदकुमार दाहालले सुन प्रकरणमा संलग्न प्रहरी जवान सुरज तिरुवा र उनका दाजु लक्ष्मण तिरुवाका साथै बरामद गरिएको सुन बुझिसकेको जानकारी दिए ।

प्रमुख दाहालले भने, ‘सुन र संलग्न व्यक्ति बुझेर अनुसन्धान शुरू गरेका छौं । सुन परीक्षणको काम पनि शुरू गर्छौ । बाँकी अनुसन्धानपछि थाहा होला ।’

कञ्चनपुरको पुनर्वास र शुक्लाफाँटा नगरपालिकाबाट बरामद गरिएको सो सुन अनुसन्धान तथा परीक्षणको लागि राजस्वको जिम्मा लगाइएको छ ।