कात्तिक २७, २०८०
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
सुर्खेत – लामो कसरतपछि कर्णाली प्रदेश सरकारले सीता एयरलाई कर्णालीका विकट जिल्लामा जहाज उडाउन राजी गरायो । प्रदेश सरकारको आग्रहमा नै विमानस्थलबाट सीता एयरले जहाज उडाउन पनि शुरू गर्यो ।
जहाज उड्ने भएपछि खुशी भएका कर्णालीका विकट क्षेत्रका जनताका लागि बिडम्बना त्यतिबेला बन्यो, जतिबेला जहाजले यात्रु होइन, सामान मात्रै ओसार्न थाल्यो ।
राष्ट्रिय सडक सञ्जालसँग नजोडिएको हुम्लाको १ मात्र यातायात साधन हवाई यातायात हो । तर सुर्खेत–हुम्ला, हुम्ला–सुर्खेत नियमित हवाई उडान नहुँदा हुम्ली जनता सास्ती भोग्न बाध्य छन् । एयरलायन्सहरू तारा, सीता, समिट एयरले नियमित रुपमा नेपालगञ्जबाट हवाई उडान गर्दै आएका छन् ।
सुर्खेत आउने जहाजले यात्रुलाई नचढाएर कार्गो सामान मात्रै ढुवानी गर्दा यात्रु अलपत्र परेका छन् । सुर्खेतबाट दिनको कम्तिमा २ फ्लाइट सीता र तारा एयरलाइन्सले उडान भरेपनि एयरलाइन्सले आलटाल गदै यात्रुलाई दुःख दिने काम गरेको यात्रुको गुनासो छ ।
हुम्ला पुग्ने नागरिक सुर्खेत विमानस्थलमा जहाजको टिकट कुर्दै दिन जाने गरेको सिमकोट गाउँपालिका–७ का स्थानीय झिल्कबहादुर शाहीले दुखेसो गरे । ‘टिकटको लागि हारगुहार गर्दा समेत कसैले सुन्दैन । दिनभर टिकट पाउने आशैआशमा एयरपोर्टमा कुर्दा खाना समेत खान पाइँदैन,’ उनले भने ।
जहाजको टिकटको लागि हप्तौदिन विमानस्थल धाएपनि हुम्ला जान नपाएको सेवाग्राहीको गुनासो छ । पत्नी बिरामी भएपछि उपचार गर्न सुर्खेत आएर घर फर्किन टिकटको प्रतिक्षा गरेको १४ दिनसम्म आफूले जहाज टिकट नपाएको खार्पुनाथ गाउँपालिका–५ का स्थानीय दलजित सुनारले बताए । प्रदेशका मन्त्री र नेताहरूले सुर्खेतदेखि हुम्लासम्म यात्रु बोक्ने उडानका लागि कुनै पनि चासो नदिएको हुम्लीवासी गुनासो छ ।
‘चुनाव आउँदा आमाबुबा दिदीबहिनी हामीले तपाईहरूको माग पूरा गर्छाै भन्दै आश्वासन दिने नेताहरूले अहिले कुनै चासो दिएका छैनन्,’ सर्केगार्ड गाउँपालिका–७ का स्थानीय हंश ऐडीले भने ।
कर्णाली प्रदेश सरकारले सुर्खेतबाट कर्णालीको हुम्ला, मुगु, डोल्पा, जुम्ला जिल्लामा हप्तामा १–१ फ्लाइट गर्न भन्दै सीता एयरलाइन्ससँग सम्झौता गरेको थियो । अहिले सीता एयरलाइन्सले आलटाल गर्दै आएको देखिन्छ । सुर्खेतदेखि हुम्लाका लागि उडान भर्दै आएका निजी एयरलाइन्सका जहाजले यात्रु बोक्न मान्दैनन् । तर कार्गो सामान मात्रै बोक्ने गरेका छन् ।
सुर्खेतबाट दैनिक १–२ फ्लाइट उडान भरेपनि सामान मात्रै बोक्ने गरेपछि यात्रुलाई समस्या भएको छ । टिकटको लागि हारगुहार गर्दै आएपनि यात्रुहरूले हुम्ला जान नपाएको यात्रुको गुनासो छ ।
प्रदेश सरकार बेखबर
हुम्ला, डोल्पा, मुगु, जुम्ला लगायतका जिल्लामा सुर्खेतदेखि नियमित रुपमा उडान गराउने कर्णाली प्रदेश सरकार बेखबर रहेको छ । विमानस्थल नियमित उडान नभएपछि स्थानीय हारगुहार गर्दा समेत प्रदेश सरकार मौन बसेको छ । कर्णाली प्रदेशका उद्योग, पर्यटक, वन तथा वातावरण मन्त्री नन्दसिंह बुढाका अनुसार हवाईसम्बन्धी प्रदेश सरकारलाई अधिकार नभएको बताए ।
सुर्खेत विमानस्थलमा सीता एयरलाइन्सलाई ‘नाइट स्टप’ राख्नको लागि प्रदेश सरकारले गुहार माग्नुपर्ने स्थिति रहेको मन्त्री बुढाले बताए । मन्त्री बुढाले भने, ‘एयरलाइन्सहरू यात्रु पाउँदैन भन्दै आलटाल गर्दै आएका छन् ।’
अब छिट्टै एयरलाइन्स कम्पनी र नेपाल नागरिक उड्ड्यन कार्यालय सुर्खेतको प्रमुखसँग छलफल गरिने मन्त्री बुढाले बताए । सुर्खेतदेखि तारा, सीता, समिट एयरले उडान भर्दै आएपनि काग्र्राे सामान र नेपाल खाद्य संस्थानको चामल बोक्दै आएका छन् ।
भौगोलिक रुपमा विकट हुम्लाका नागरिकले भने प्रदेश राजधानी जोड्ने एक मात्र हवाई यातायात नियमित गर्न माग गरेका छन् ।
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...