काठमाडौं– भारतीय क्रिकेट खेलाडीहरूले खेलको समयमा भारतीय सेनाको टोपी लगाएकोमा पाकिस्तानले आपत्ति जनाएको छ । यस विषयमा पाकिस्तानले अन्तर्राष्ट्रिय क्रिकेट परिषद् (आईसीसी)मा उजुरी दिएको छ । 

पाकिस्तान क्रिकेट बोर्डले आईसीसीसमक्ष भारतीय क्रिकेट टिमले क्रिकेटलाई राजनीतिकरण गरेको गुनासो गरेको छ  । भारत र अष्ट्रेलियाबीच राँचीमा भएको एकदिवसिय क्रिकेट खेलमा भारतीय खेलाडीले पुवलामा शहीद भएका भारतीय सुरक्षाकर्मीको सम्मानमा सेनाको टोपी लगाएका थिए । 

भारतीय क्रिकेटरको कृयाकलापप्रति आपत्ति जनाउँदै पाकिस्तानकका विदेश मन्त्री महसुद कुरैशीले आईसीसीले यस विषयमा कदम नउठाए पाकिस्तानी खेलाडीले पनि कश्मीरमा भएको अत्याचारविरुद्ध हातमा कालो पट्टी बाँधेर खेल खेल्ने बताएका छन् ।