काठमाडौं – विमान अपहरणको हल्ला फैलाउने एक भारतीय व्यापारीलाई आठ करोड रुपैयाँको जरिवाना सजाय दिइएको छ । 

भारतमा बनेको नयाँ अपहरणविरोधी कानूनअन्तर्गत बिरजू सल्ला नामक व्यापारीलाई जन्मकैदको सजाय तथा आठ करोड रुपैयाँको जरिवाना लगाइएको हो । मंगलवार राष्ट्रिय अनुसन्धान निकायले बिरजू सल्लालाई नयाँ कानूनअन्तर्गत पहिलो सजाय सुनाइएको छ ।

एन्टी हाइज्याकिङ याक्ट २०१६ अन्तर्गत बिरजूलाई सजाय दिइएको हो । बिरजूले अक्टोबर २०१७ मा मुम्बई–दिल्ली फ्लाइटका बेलामा जेट एयरवेजको शौचालयमा अपहरणको धम्कीसहितको चिट्ठी राखेका थिए । पत्रमा अपहरणकारीहरू विमानमै थिए र विमानलाई सीधै पाकिस्तान अधीनस्थ कश्मीर लग्न भनिएको थियो । विमानलाई अन्त कतै अवतरण गराउने कोशिश गरिएमा यात्रुहरूलाई मारिदिने धम्की पनि दिइएको थियो । 

प्लेनको कार्गो एरियामा बम राखिएको भनिएको थियो । 

यस मुद्दामा सुनुवाइ गर्दै न्यायाधीश एम के दवेले सल्लामाथि पाँच करोड भारुको जरिवाना पनि लगाए । यसै रकमबाट विमानका पाइलट र कोपाइलटलाई पनि १–१ लाख भारु दिइनेछ । 

बिरजु सल्लाबाट असुलिएको जरिवानाबाट दुईजना विमान कर्मचारीलाई ५०–५० हजार भारु दिइनेछ । सल्लाको पत्रका कारण विमान कर्मचारी र यात्रीहरूले भीषण मानसिक तनाव भोग्नुपरेकाले उनीमाथि जरिवाना लगाइउको न्यायाधीशको जिकिर रह्यो । 

निकायले दायर गरेको अभियोगपत्रमा सल्लाकी महिला मित्र जेठ एयरवेजकी कर्मचारी भएको र उनले सल्लासँग बस्न अस्वीकार गरेको उल्लेख गरिएको थियो । यो पत्रपछि एयरलाइन्स कम्पनीले सञ्चालन बन्द गर्ने अनि महिला मित्रको जागिर जाने सल्लाको सोच थियो । 

अदालतसमक्ष प्रस्तुत गरिएको सबभन्दा बलियो प्रमाण सल्लाको ल्यापटपमा उपलब्ध पत्र थियो । उनले त्यो पत्र अंग्रेजीमा लेखेका थिए अनि पछि गूगल ट्रान्सलेटरको सहायताले उर्दूमा अनुवाद गरेका थिए । 

गहना व्यापारी बिरजु मुम्बईबाट दिल्ली गइरहेको विमानको बिजनेस क्लासमा यात्रा गरिरहेका थिए । त्यसबेला उनले यो कृत्य गरेका थिए । विमान अवतरण गरिएपछि उजुरी दर्ता गरियो र सल्लालाई पक्राउ गरियो । त्यसपछि एनआईएले घटनाको अनुसन्धान थाल्यो ।

एजेन्सी