तात्यो अख्तियार, तीन इन्जिनीयर घुससहित पक्राउ

साउन ४, २०७६

काठमाडौँ - अख्तियार दुरुपयोग अनुसन्धान आयोगले १५ लाख घुस रकमसहित तीन जना इञ्जिनीयरलाई नियन्त्रणमा लिएको छ ।

जलस्रोत तथा सिंचाई विकास डिभिजन कार्यालय, दोलखाका सिनियर डिभिजन ईन्जिनीयर प्रकाश अधिकारी, जलस्रोत तथा सिंचाई विकास डिभिजन कार्यालय, सिन्धुपाल्चोकका ईन्जिनीयर भोगेन्द्र साह र सवारी चालक सुमन खड्का शंकास्पद नगद सहित नियन्त्रणमा लिएको अख्तियारका प्रवक्ता प्रदीपकुमार कोइरालाले बताएका छन् ।


ADVERTISEMENT

शनिवार एक प्रेस विज्ञप्ति जारी गर्दै कोइरालाले जलस्रोत तथा सिंचाई विकास डिभिजन कार्यालय दोलखाका सिनियर डिभिजन ईन्जिनियर प्रकाश अधिकारीले विभिन्न उपभोक्ता समिति तथा अन्य कम्पनीसँग घुस रकम लिई काठमाडौँ आउँदै गरेको भन्ने सुचनाको आधारमा पक्राउ गरिएको जानकारी दिए ।

उनलाई नियन्त्रणमा लिएर खानतलासि गर्दा जलस्रोत तथा सिंचाई बिकास डिभिजन कार्यालय दोलखाका सिनियर डिभिजन ईन्जिनीयर प्रकाश अधिकारीको साथबाट १३ लाख ३८ हजार ५ सय र सोही गाडिमा रहेका जलस्रोत तथा सिंचाई विकास डिभिजन कार्यालय सिन्धुपाल्चोकका ईन्जिनियर भोगेन्द्र साहको साथबाट १ लाख २९ हजार १ सय ५ शंकास्पद नगद फेला परेको थियो ।

हाल पक्राउ परेकाहरूको अनुसन्धान कार्य भइरहेको अख्तियारले बताएको छ ।

 

 

साउन ४, २०७६ मा प्रकाशित

प्रतिक्रिया दिनुहोस