खुला प्रतिस्पर्धाबाट विश्वविद्यालयमा पदाधिकारी नियुक्त गर्न सांसद नविनाको माग

साउन २८, २०७६

काठमाडौं– नेकपा सांसद एवं पूर्व विद्यार्थी नेतृ नविना लामाले त्रिवि लगायत विश्व विद्यालयमा रिक्त पदाधिकारीको नियुक्ति खुला प्रतिस्पर्धाबाट गर्न माग गरेकी छन् ।

मंगलवार बसेको प्रतिनिधि सभा बैठकको शून्य समयमा सांसद लामाले त्रिविमा बढेको विकृति र विसंगति अन्त्यका लागि खुला प्रतिस्पर्धाबाट प्राज्ञिक व्यक्तिको नियुक्ति गर्न माग गरेकी हुन् । 


ADVERTISEMENT

‘त्रिविमा डरलाग्दो विकृति विसंगति मौलाएको छ, परीक्षा सञ्चालनको विषयमा या सम्बन्धन प्राप्त गर्ने विषयमा । विश्वविद्यालयमा बढ्दो विकृति, विसंगति र अराजकताको अन्त्यका लागि राजनीतिक भागबण्डा भन्दा विधि र खुला प्रतिस्पर्धाका आधारमा चयन होस्,’ लामाले भनिन्, ‘निष्पक्ष प्राज्ञिक व्यक्तिलाई भीसी र पदाधिकारी नियुक्त गरियोस् ।’

साउन २८, २०७६ मा प्रकाशित

प्रतिक्रिया दिनुहोस