काठमाडौं – चीनका राष्ट्रपति शी चिनफिङले चीनलाई सफा राख्ने अभियान चलाएका छन् यस अभियानलाई गति दिनका लागि सही डस्टबिनमा सही फोहर हाल्ने मानिसहरूलाई उपहार दिन थालिएको छ । 

बेइजिङको शिनफेङ स्ट्रीटमा स्मार्ट डस्टबिन राखिएको छ । डस्टबिन नजिक क्यामरा जडान गरिएको छ । क्यूआर कोडयुक्त विशेष प्रकारको थैलोमा फोहर राखिँदैछ । 

सही डस्टबिनमा फोहर राख्ने मानिसलाई रिवार्ड पोइन्टको आधारमा पुरस्कार दिने गरिएको छ । सही फोहर फालिएको थैलोमा राखिएको क्यूआर कोडबाट घर पत्ता लगाएर घरैमा पुरस्कार पठाउन थालिएको छ । पोइन्टको आधारमा पुरस्कारका रूपमा अण्डा, नून, ट्वाइलेट रोल्स, डिटर्जेन्ट र बच्चाहरूलाई इरेजर दिइँदैछ । 

यसका लागि मानिसहरूले एउटा याप डाउनलोड गरेर रजिस्ट्रेसन गर्नुपर्ने हुन्छ । रजिस्ट्रेसनपछि विशेष ब्याग किन्नुपर्ने हुन्छ । त्यसको मूल्य ३० युआन छ । 

गलत डस्टबिनमा गलत फोहर हाल्ने व्यक्तिलाई प्रत्येक बिहीवार फोहर व्यवस्थापनको जानकारी दिने गरिएको छ ।

एजेन्सी