काठमाडौं – केही मानिसलाई अनौठा अनौठा काम गर्न मन लागिरहेको हुन्छ र त्यसका लागि उनीहरू जोखिम मोल्न पनि तयार हुन्छन् । 

एक जोडीले अनौठो तरिकाले विवाह गर्ने सोच बनायो । रोमाञ्चक बिहे गर्ने अठोट पूरा गर्नका लागि यस जोडीले खतरालाई पनि मतलब गरेन र हावामा झुण्डिएर विवाहका संस्कार पूरा गर्‍यो । 

जर्मनीमा भएको यो अनौठो विवाहका तस्वीर सामाजिक सञ्जालमा भाइरल भइरहेका छन् । 

तारको सहारामा हावामा झुण्डिएर उनीहरूले बिहेको संस्कार पूरा गरेका हुन् । 

दुलहीको नाम एना ट्रेबर हो र पेशाले उनी हाईवायर आर्टिस्ट हुन् । उनी तार र डोरीहरूमा स्टन्ट गर्छिन् । पतिको नाम स्वेन लियन हो । एनाका पिता जोन ट्रेबर पनि हाईवायर आर्टिस्ट हुन् । 

झुलामाथि मोटरसाइकल चलाउने काम पनि जोनले नै गरेका हुन् । 

बिहेमा आएका मानिस यो कारनामा देखेर आश्चर्यचकित भए । सामाजिक सञ्जालमा केही मानिसले दुलाहा र दुलहीको साहसको प्रशंसा गरेका छन् भने केहीले चाहिँ पागलपनको संज्ञा दिएका छन् ।

एजेन्सी