रुसको उत्तरी भागमा रहेको मागादानको एक एयरफील्डबाट उडेको विमान उडानको केही समयमै दुर्घटनाग्रस्त भएको छ । 

उक्त विमानमा रहेका यात्रुहरूले विमानभित्रबाट खिचेको भिडियोमा विमान उडेपछि उचाइ लिन नसकेको देखिन्छ । 

एन्टोनोभ एन–२ विमान बिहीवार दुर्घटनामा परेको हो । घटनामा कसैलाई चोटपटक लागेको छैन । 

उचाइ लिने बेलामा विमानको गति घट्छ र एकचोटि त त्यो आकाशमा अडिन्छ अनि झर्न थाल्छ र यात्रुहरू चिच्याउन थाल्छन् । 

विमान आकाशमा १० मिटर हुँदा घटनाको भएको हो । १२ यात्रु र दुई विमान कर्मचारी भएको विमानमा सातजना घाइते भए । तर कसैको पनि ज्यान खतरामा छैन । 

विमानको देब्रेतिरको पखेटा भाँचिएको छ र नोज प्रोपेलर बांगिएको छ । 

एन–२ सानो सिंगल इन्जिन भएको विमान हो र विगत सात दशकदेखि उडाइँदैछ । धावनमार्ग नभएका ठाउँमा पनि गजबले उडान र अवतरण गर्ने अद्भुत क्षमता यसमा छ । सन् १९९० को दशकपछि यस्तो विमान रुसमा बनाउने गरिएको छैन तर सयौं विमान सञ्चालनमा छन् ।