प्रमुख प्रतिपक्षी दल नेपाली कांग्रेसका सभापति शेरबहादुर देउवाले लक-डाउनले विभिन्न वर्ग र क्षेत्रमा परेको आर्थिक स्थितिलाई दृष्टिगत गर्दै तत्काल आर्थिक प्याकेज घोषणा गर्न सरकारसँग माग गरेका छन् ।

शुक्रवार एक विज्ञप्ति जारी गर्दै सभापति देउवाले सरकारलाई ४ वटा बुँदामा ध्यानाकर्षण गरेका छन् ।

उनले विश्व स्वास्थ्य संगठनले सचेत गराइरहँदा पनि स्वास्थ्यकर्मीहरूले पीपीई नपाउनु लज्जास्पद भएको टिप्पणी गरे । ‘म सरकारलाई यथाशीघ्र पीपीई, परीक्षण किट, आइसोलेसन वार्ड र भेन्टिलेटरको पर्याप्त प्रबन्ध गर्न अपिल गर्दछु,’ उनले विज्ञप्तिमा भनेका छन् ।

हेर्नुहोस् विज्ञप्ति -