कात्तिक २१, २०८०
चितवनको भरतपुरस्थित गौतमबुद्ध अन्तर्राष्ट्रिय क्रिकेट रंगशाला बागमती प्रदेश सरकार र भरतपुर महानगरपालिकाले मिलेर बनाउने सहमति गरेका छन् । प्रदेशको ७० प्रतिशत र महानगरको ३० प्रतिशत लगानीमा बनाउने सहमति भएको हो ।...
विश्वभर कोरोना भाइरस संक्रमणले महामारीको रुप लिएपछि नेपाल समेत विगत २ हप्तादेखि ठप्प छ । लकडाउनले खेल क्षेत्र पनि अछुतो छैन ।
लकडाउनले मुलुक नै ठप्प भएपछि खेलाडी पनि सर्तकता अपनाउँदै घरमै सुरक्षित रुपमा बसेका छन् ।
खेलकुद क्षेत्रमा सधै व्यस्त हुने खेलाडी/प्रशिक्षकलाई अहिले घरपरिवारसँग समय बिताउने समय जुरेको छ । त्यसैमध्येका फुर्सदिला बनेका नेपाल क्रिकेट टीमका पूर्व खेलाडी/प्रशिक्षक हुन् शक्ति गौचन ।
उनी अहिले घरमै सानो छोरासँग रमाउँदै छन् । २०७५ मंसिर २९ गतेदेखि नेपाली क्रिकेटका बलिया खम्बा गौचनले क्रिकेट जीवनबाट सन्यास लिएपछि गृहजिल्ला रुपन्देहीको क्रिकेटको विकासमा लागेका गौचनलाई यति लामो समयसम्म फुर्सदिलो भएको कुनै अनुभव छैन । शक्ति नेपाली राष्ट्रिय क्रिकेट टीमका महत्त्वपूर्ण पूर्व क्रिकेट खेलाडी हुन् ।
गृहनगर रुपन्देहीको भैरहवा नजिकै पडसरीमा निजी लगानीमा स्टार क्रिकेट एकेडेमी निर्माण गरी दक्ष खेलाडी उत्पादन गर्न जुटेका छन् शक्ति । उनी भन्छन्, ‘यो बन्दाबन्दीले मज्जाले फुर्सदिलो बनायो । घरमा ८ महिनाको छोरोसँग खेल्दै रमाउँदै दिन बिताइरहेको छु । बाहिर निस्किने अवस्था छैन । म पनि सुरक्षित छु, सबैलाई ‘स्टे होम’ भन्दै पनि आएको छु ।’
यति लामो समय घरमा बस्दा उनले नयाँ अनुभव लिएका छन् । छोरासँगै २ छोरी, पत्नी र आमालाई घरमा काममा सघाउँछन् उनी । बिहान अबेरसम्म सुत्छन् । आफू क्रिकेटबाट थाकेको नभई नयाँ दक्ष खेलाडी उत्पादनमा लाग्नको लागि खेल जीवनबाट टाढा भएको उनी बताउँछन् ।
शक्तिको एकेडेमीमा ६० जनाभन्दा बढी विद्यार्थीले क्रिकेट सिक्दै आएका छन् । एकेडेमीका सबै विद्यार्थी अहिले घर गएका छन् । गौचन एकेडेमीका प्रबन्धक हुन् । उनले आफ्नो एकेडेमीलाई अझै विस्तार गर्ने सोचमा छन् । उनी भन्छन्, ‘कम्तीमा ३ विगाहा जग्गा लिजमा पाए एकेडेमीलाई विस्तार गर्ने थिए तर जग्गा किन्न सक्ने अवस्था छैन । महंगो भइसक्यो । लीजमा पनि पाइएन ।’
उनी भन्छन्, ‘विभिन्न नर्मल डेभलपमेन्टलाई लक्षित गरी प्रशिक्षण पनि सबै रोकिए । अन्डर–१९ टुर्नामेन्ट गराउने योजना थियो, त्यो पनि रोकियो । मेरो योजनाका गेमहरूदेखि विश्वभर सञ्चालन हुने सबै खेलकुदको क्षेत्रलाई नराम्रो असर पुर्यायो ।’
देशमा राम्रा क्रिकेट खेलाडी उत्पादन गर्ने लक्ष्यसहित खेल जीवनबाट सन्यास लिएका गौचनको बन्दाबन्दी अघिको दिनचर्या व्यस्त नै थियो । उनी बिहान–बेलुका आफ्नै एकेडेमीमा विद्यार्थीलाई प्रशिक्षण दिन्थे । दिउँसो बुटवलस्थित न्यू होराइजन बोर्डिङ स्कूलमा प्रशिक्षणमा जान्थे ।
होराइजनबाहेक अन्य विद्यालयमा पनि उनी प्रशिक्षक छन् । दैनिक विभिन्न शुभकार्य उद्घाटन तथा आथित्यताका लागि निम्तो आउँथ्यो । अहिले ती सबै ठप्प छन् । उनको इनडोर र आउटडोर खेल खेल्न मिल्ने एकेडेमी छ । उनले ६० लाख रुपैयाँ लगानीमा एकेडेमी सञ्चालनमा ल्याएका हुन् । एकेडेमीमा क्रिकेट सिक्ने विद्यार्थीलाई होस्टेलमा बस्ने व्यवस्था पनि छ । गौचनले आफ्ना दिवंगत पिताको सम्झनामा ‘स्वर्गीय खड्गप्रसाद गौचन मेमोरियल कप अन्तर विद्यालय क्रिकेट प्रतियोगिता’ पनि १ वर्ष अगाडि सम्पन्न गरेका छन् ।
होस्टेलमा १५ जना विद्यार्थी बस्छन् । शक्ति अल राउन्डर क्रिकेट खेलाडी हुन् । उनी दायाँ हाते ब्याट्स म्यान हुन् । उनी बायाँ हातले बलिङ गर्ने खेलाडी हुन् । नेपाली राष्ट्रिय टीमका लागि उनी ओमानविरुद्व सन् २००२ जुलाईमा टीममा प्रवेश गरेका थिए । सन् २०१८ जुलाई २०१८ मा शक्तिले नेदरल्यान्ड विरुद्वको खेलपछि अन्तर्राष्ट्रिय क्रिकेट खेलबाट सन्यासको घोषणा गरेका थिए ।
शक्ति नेपाली क्रिकेट इतिहासमै अन्तर्राष्ट्रिय सतक प्रहार गर्ने दोस्रो खेलाडी हुन् । उनले इटाली राष्ट्रिय क्रिकेट टीमविरुद्व २००५ मा आईसीसी विश्वकप छनोट चरणको सिरिज अन्तर्गत यो उपलब्धि हात पारेका थिए ।
चितवनको भरतपुरस्थित गौतमबुद्ध अन्तर्राष्ट्रिय क्रिकेट रंगशाला बागमती प्रदेश सरकार र भरतपुर महानगरपालिकाले मिलेर बनाउने सहमति गरेका छन् । प्रदेशको ७० प्रतिशत र महानगरको ३० प्रतिशत लगानीमा बनाउने सहमति भएको हो ।...
यूएईलाई ८ विकेटले पराजित गरेर नेपाल सन् २०२४ मा अमेरिका र वेस्ट इन्डिजमा हुने टी–ट्वान्टी विश्वकपमा छनोट हुँदै गर्दा एउटा दृश्यले सबैको ध्यान तान्यो । सामाजिक सञ्जालदेखि अन्तर्राष्ट्रिय स्तरसम्म चर्चा...
भारतमा जारी इन्डियन प्रिमियर लिग (आईपीएल) क्रिकेटमा कोलकाता नाइट राइडर्सले दिल्ली क्यापिटल्समाथि जीत दर्ता गरेको छ । सोमबार राति घरेलु मैदान इडेन गार्डेनमा भएको खेलमा उत्कृष्ट फर्ममा रहेको कोलकाताले द...
फाइनलअघि १० खेलमा १० जीत, व्यक्तिगततर्फ सर्वाधिक रन (विराट कोहली- ७६५), अनि सर्वाधिक विकेट (मोहम्मद शमी- २४) को बलमा तेस्रोपटक विश्वकप विजेता बन्ने भारतको सपना सपनामै सीमित रहन पुगेको छ । अहमदावादस्थित नर...
खेल र पर्यटन क्षेत्रलाई सँगसँगै अगाडि बढाउन सोलुखुम्बुको माप्य दूधकोशी गाउँपालिका–५ स्थित महभिरमा अन्तर्राष्ट्रियस्तरको ‘रक क्लाइम्बिङ’ प्रतियोगिता हुने भएको छ । साहसिक खेल ‘रक क्...
कम उमेरमै विश्व क्रिकेटमा प्रभाव छोडेका नेपालका लेग स्पीनर सन्दीप लामिछाने अर्को दुर्लभ विश्व कीर्तिमान निकट पुगेका छन् । यस अघि गत वैशाखमा कीर्तिपुरमा ओमानविरुद्ध एकदिवसीयमा सबैभन्दा छिटो ४२ खेलमा एक सय विक...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...