कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
अविरल वर्षापछि आएको बाढी पहिरोका कारण पछिल्लो २४ घन्टामा देशका विभिन्न स्थानमा १८ जनाको मृत्यु भएको छ भने ३९ जना बेपत्ता भएका छन् ।
म्याग्दी, कास्की, लमजुङ, रुकुम पश्चिम र जाजरकोटमा गएको पहिरो तथा बाढीमा परी १८ जनाको मृत्यु भएको हो ।
म्याग्दीमा पहिरो, हालसम्म ३ जनाको मृत्यु, ३० जना बेपत्ता
म्याग्दीको धौलागिरी र मालिका गाउँपालिकामा गएको पहिरोमा परी ३ जनाको मृत्यु भएको छ ।
पहिरोमा परी ३० जना बेपत्ता भइरहेको सहायक जिल्ला अधिकारी महेश सुवेदीले लोकान्तरलाई जानकारी दिए ।
धौलागिरी ७ का २ जना, र रघुगंगा गाउँपालिका ६ का एक जनाको मृत्यु भएको उनले जनाए ।
उनले भने, ‘तीन जनाको मृत्यु भएको पुष्टि भएपनि उनीहरूको पहिचान भइसकेको छैन ।’
अहिले उद्धारका लागि घटनास्थलमा नेपाल प्रहरी, नेपाली सेनालगायतको टोली पुगिसकेको छ ।
उनका अनुसार, प्रमुख जिल्ला अधिकारीसहितको टोली हेलिकप्टरमार्फत घटनास्थलतर्फ गएका छन् ।
सडकमार्ग हुँदै जाने टोली भने त्यहाँ पुग्न समय लाग्ने सुवेदीले बताए ।
पहिरोका कारण बेनीको बेलीब्रिज पूर्ण रुपमा क्षति भएको छ ।
कास्कीमा पहिरोमा परी मृत्यु हुनेको संख्या ७ पुग्यो
अविरल वर्षापछि आएको पहिरोले पोखराका विभिन्न ठाउँमा गरी ७ जनाको मृत्यु भएको छ ।
पोखरा महानगरपालिका वडा १८, सराङकोटको गोठादीमा टंकबहादुर थापाको घर पहिरोमा पर्दा उनीसहित ५ जनाको मृत्यु भएको जिल्ला प्रहरी कार्यालय कास्कीका प्रवक्ता प्रहरी नायव उपरीक्षक सुवास हमालले जानकारी दिए ।
बिहीबार राति साढे २ बजे घरमाथिबाट पहिरो आई घर पुरिँदा ५० वर्षका टंकबहादुर सहित उनकी ४५ वर्षीया श्रीमती सोममाया, ११ वर्षीया नातिनी इशिका थापामगर, टंकको दाइको नाति ६ वर्षीय सुवान थापा र टंकको साली सरस्वती श्रेष्ठका छोरा ८ वर्षीय शीतल श्रेष्ठको मृत्यु भएको हो ।
पहिरोमा परी टंकको छोरी २२ वर्षीया पिंकी थापा, १८ वर्षीया छोरी आशा थापामगर घाइते छन् ।
यस्तै, पिंकीको ५ वर्षीया छोरी पिरिशा थापामगर, सोममायाकी बहिनी २८ वर्षीया सरस्वती श्रेष्ठ, सरस्वतीको १० वर्षीय छोरा सन्देश, छिमेकीमध्ये १९ वर्षीय अनिश तामाङ, १९ वर्षीय रशि थापा, १९ वर्षीया रश्मी थापामगर घाइते छन् । उनीहरुमध्ये पिंकीको पश्चिमाञ्चल क्षेत्रीय अस्पतालमा र बाँकीको मणिपाल शिक्षण अस्पतालमा उपचार भइरहको प्रहरीले जनाएको छ ।
गएराति टंकबहादुरको छोरी पिंकीको जन्मदिन मनाउने सिलसिलामा छिमेकी तथा आफन्त पनि भेला भएका थिए । जसका कारण परिवारका सदस्यसहित छिमेकी पनि पहिरोको चपेटामा परेको स्थानीय दीया ढकालले जानकारी दिइन् । जन्मदिन मनाएकी पिंंकी आफैको पहिरोले दुवै खुट्टा भाँचिएका छन् ।
सडक विस्तार क्रममा खनिएको नालीको उचित व्यवस्थापन हुन नसक्दा अविरल वर्षासहित आएको भेलले टंकबहादुरको घर पहिरोले बगाएको हो । पहिरो करिब १ सय २० मिटर लामो गएको छ ।
पहिरो गएको थाहा पाएपछि प्रहरी चौकी सराङकोटबाट प्रहरी नायव निरीक्षक सुमन निउरेको कमाण्डमा ५ जनाको टोली खटिएको थियो । पछि जिल्ला प्रहरी कार्यालय कास्कीबाट प्रहरी निरीक्षक दीपक केसीको कमाण्डमा ११ जनाको टोलीसहित स्थानीयको सहयोगमा घाइतेको उद्धार गरी अस्पताल लगिएको प्रवक्ता सुवास हमालले बताए ।
उता, पोखरा २५, हेम्जामा ७० वर्षीया हिमकला अधिकारीको मृत्यु भएको छ । बिहीबार साढे २ बजे घर पछाडिबाट आएको पहिरोले घरको गारो भत्किँदा च्यापिएर अधिकारीको मृत्यु भएको हो ।
यस्तै, पोखरा २६, पैतेडाँडाका दुर्गाबहादुर सुनारको पनि पहिरोले घर भत्किदा मृत्यु भएको छ ।
जाजरकोटको बारेकोटमा पहिरोको वितण्डा : ३ जनाको शव भेटियो, ९ जना बेपत्ता
जाजरकोट जिल्लाको बारेकोट गाउँपालिका वडा नं. चारको बोहोरा गाउँमा बिहीवार राति गएको पहिरोमा परि ३ जनाले ज्यान गुमाएका छन् भने ९ जना बेपत्ता भएका छन् ।
बोहोरा गाउँमा बस्दै आइरहेका ६ जना सार्की परिवारको घरलाई पहिरोले पुरेको प्रदेश सभा सदस्य कृष्णा शाहले लोकान्तरलाई बताइन् ।
'हालसम्म ३ जनाको शव फेला परेको छ । ९ जना बेपत्ता हुनुहुन्छ,’ उनले भनिन्, ‘अहिले जिल्ला प्रहरी कार्यालय जाजरकोटबाट प्रहरी घटनास्थलतर्फ गइरहेको छ ।'
लमजुङमा पहिरोमा एकैघरका ३ जनाको मृत्यु
लमजुङ सदरमुकाम बेशीशहरमा पहिरोमा परी एकै परिवारका ३ जनाको मृत्यु भएको छ । ३ जना घाइते छन् ।
बेशीशहर नगरपालिका–७, सातबिसेमा बिहीबार राति स्थानीय दीपक तामाङको घर पहिरोले पुरिँदा परिवारका ३ जनाको मृत्यु भएको हो ।
लमजुङ प्रहरीका अनुसार मृत्यु हुनेमा ३२ वर्षीय दीपक तामाङ सहित उनकी श्रीमती अन्दाजी २६ वर्षीया वीमाया तामाङ र छोरा ९ वर्षीय छेवाङ तामाङ छन् ।
घाइतेको जिल्ला सामुदायिक अस्पतालमा उपचार भइरहेको छ ।
पहिरोले घर पुर्दा रुकुम पश्चिममा २ जनाको मृत्यु, १ घाइते
रुकुम पश्चिममा पहिरोले घर पुर्दा एकै परिवारका दुई जनाको मृत्यु भएको छ भने एक जना घाइते भएका छन् ।
आज बिहान ६ बजेतिर गएको पहिरोले जिल्लाको आठबीसकोट नगरपालिका–३ रेझेखोलाका तुलबहादुर दमाईंको एक तले घर पुर्दा दमाईंकी श्रीमती र छोराको मृत्यु भएको प्रहरीले जनाएको छ । मृत्यु हुनेमा श्रीमती २८ वर्षीया सीता र छोरा छ वर्षीय हाविल रहेको जिल्ला प्रहरी प्रमुख प्रहरी नायब उपरीक्षक ठगबहादुर केसीले जानकारी दिनुभयो । पहिराले घर पुरिँदा आठ वर्षीया छोरी हिरा घाइते भएको र उनको अवस्था मध्यम रहेको प्रहरी नायब उपरीक्षक केसीको भनाइ छ ।
तुलबहादुर भने कामको सिलसिलामा नगरपालिकामै पर्ने गोतामकोट गएको प्रहरीको भनाइ छ । स्थानीयले घर पहिरोले पुरेको जानकारी दिएपछि अस्थायी प्रहरी पोष्ट स्यालाखदीबाट प्रहरी सहायक निरीक्षक जयराम रावलको नेतृत्वमा पाँच जनाको प्रहरी टोली घटनास्थलमा पुगी स्थानीयसमेतको सहयोगमा एक जनालाई जीवितै उद्धार गरेको र अन्य दुई जनाको शव निकालेको प्रहरी नायब उपरीक्षक केसीले बताउनुभयो ।
उहाँका अनुसार घाईतेको स्थानीय मेडिकलमा उपचार भैरहेको छ । त्यस्तै इलाका प्रहरी कार्यालय आठबीसकोटबाट थप उद्धारका लागि प्रहरी निरीक्षक अच्युतराज आचार्यको कमाण्डमा २ जनाको टोली घटनास्थल तर्फ गएको जिल्ला प्रहरी कार्यालयले जानकारी दिएको छ । घटनाको थप विवरण आउन बाँकी रहेको प्रहरीको भनाइ छ ।
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...