पुस १०, २०८०
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
बैशाख १७, २०७८
सधैं चर्चामा छाइरहने पात्र हुन्, राजीव गुरुङ (दीपक मनाङे) । विगतमा गुण्डागर्दी क्रियाकलापमा होस्, स्वतन्त्रबाट चुनाव लडेर गण्डकी प्रदेशसभामा ‘माननीय’ बन्दा होस् वा अहिले मन्त्री बन्दा । उनी चर्चामा छाइरहे ।
यसरी पचासको दशकपछि क्रमशः गुण्डा–सांसद–मन्त्री पदको उपमा पाउने विरलै मान्छेमा पर्दछन्, नवनियुक्त युवा तथा खेलकुद मन्त्री राजीव गुरुङ ।
आफूविरुद्ध अविश्वासको प्रस्ताव किनारा नलाग्दै गण्डकी प्रदेशका मुख्यमन्त्री पृथ्वीसुव्वा गुरुङको निगाहामा राजीवलाई मन्त्री चिठ्ठा परेको हो । मनाङ जिल्ला क्षेत्र (ख) बाट २०७४ सालको प्रदेशसभा तत्कालीन नेकपा एमालेको समर्थनमा स्वतन्त्र रुपमा चुनाव लडेका थिए राजीवले । त्यसबेला आफूलाई लगाएको गुन तिर्नु थियो त्यसैले यो सरकार ढल्ने निश्चितप्रायः भइकन पनि मुख्यमन्त्रीको गुन तिर्न भन्दै मन्त्री बनेको उनको स्पष्टोक्ति छ ।
नेकपा माओवादी केन्द्रले समर्थन फिर्ता लिएसँगै प्रदेशमा २ मन्त्रालय खाली हुँदाहुँदै सामाजिक विकास मन्त्रालय फुटाएर बिहीबार साँझ उनलाई मन्त्रीको शपथ खुवाइएको थियो । मुख्यमन्त्रीको उपस्थितिमा प्रदेश प्रमुख अमिक शेरचनले पद तथा गोपनीयताको शपथ खुवाएका थिए । उनलाई मन्त्री बनाइएको बारेमा सामाजिक सञ्जालमा बेस्मारी टीकाटिप्पणी छाइरहँदा नवनियुक्त मन्त्रीले भने आफू दुई हप्तासम्म रहने भए पनि देखिने गरी काम गर्ने बताएका छन् ।
मन्त्रालय सम्हालेको पहिलो दिन मन्त्री राजीव गुरुङको व्यस्तता एक्कासी बढ्यो ।
लोकान्तरसँग मन्त्रालय कक्षमै कुराकानीका क्रममा उनले भने, ‘अहिलेसम्म ४ वटा योजना छिनोफाटो लगाइसकें । चाहने हो भने छोटो अवधिमा पनि धेरै काम गर्न सकिन्छ ।’ पहिलो दिन खादा, माला र बुकी बोकेर शहीद चोकस्थित मन्त्रालय धाउनेहरू धेरै देखिए । मन्त्रीले पनि छक्क पर्दै भने, ‘अहिलेसम्म साढे ३ सय जना आइसक्नुभयो ।’
उनले अगाडि भने, ‘सधैं १० बजे उठ्ने म आज ८ बजे नै उठें । कार्यालय समयमै मन्त्रालय आएँ । खेलकुद क्षेत्रका व्यक्तिहरूसँग भेटघाट भो । बेलुका जिल्ला खेलकुद विकास समितिको पदाधिकारीको शपथमा जानु छ । भोलि शनिवार हो । तै पनि म व्यस्त हुन्छु । धेरै सेड्युल छ ।’
उनका अनुसार मन्त्रालय सम्हालेको पहिलो दिन फस्ट आवरमै गण्डकी प्रदेशका प्रमुख सचिवसँग कुराकानी भयो । पहिलेका मन्त्रीले के–के गरेका छन्, बाँकी काम गर्नुपर्नेछ र चाँडो काम सकेर बजेट फ्रिज नगर्नेबारे कुराकानी भएको छ । नवौं राष्ट्रिय खेलकुद प्रतियोगिताको बारेमा गण्डकी प्रदेशका नवनियुक्त खेलकुद परिषद्का सदस्य सचिव तेज गुरुङसँग कुराकानी भयो । नियुक्तको २ महिना हुन लाग्दा उनीहरूको अफिस अहिलेसम्म छैन । रंगशालाभित्र बनाउनेबारे निर्णय भयो । अफिसको डिसिजन भयो । मन्त्रालयमा अलिकति १ करोड ५० लाख पैसा रहेछ । स्पोर्टस्का लागि आएको पैसा स्पोर्टस् खर्च गर्ने हो । प्रदेशका एघार जिल्लाबाट छानिएर आउने खेलाडीलाई यहाँ खान, सुत्ने व्यवस्था मिलाउनका लागि क्लोज क्याम्पमा राख्न खर्च गर्नेबारे सल्लाह भयो । उनका अनुसार खेलाडीलाई क्लोज क्याम्पमा २ महिना तालिम त गर्नुपर्छ । १ हप्ता राखेर हुँदैन । युवालाई केही काम सिकाउने, स्पोर्टस् म्यानलाई अघि बढाउने भन्ने छ । प्रदेशको खाली जग्गा मन्त्रालयभित्र ल्याउनुपर्यो । सुकुम्बासी बसिदेला रे, सब्जीमन्डी खोलेर त भएर नि !
सरकार ढल्ने निश्चितप्रायः जस्तै हुँदा पनि केही समयको लागि मन्त्री बन्नु पदलोलुपता हैन र ? उनले भने, ‘हामीले कहिले पनि सोच्नु हुँदैन कि ५ वर्षका लागि मन्त्री बन्ने तर ५ महिनाका लागि नबन्ने । हामीहरू यही कामका लागि चुनिएर आएका हौं । जनमोर्चाले सरकारलाई यदि सहयोग गरेन भने अवश्य यो सरकार जान्छ । यो त लाटालाई पनि थाहा भएको कुरो हो । खाली मानिसले नबोलेको मात्र हो । मैले बोल्दिएँ । बढीमा २ हप्ता हो । आँखिर प्रक्रिया त भइहाल्छ । यदि यो सरकारको राम्रो कुराको लागि समर्थन गर्यो भने प्रोब्लम नआउला यदि त्यसो भएन भने प्रोब्लम त आयो । हामीले बाहिर बसेर धेरै मन्त्रीहरूलाई डायलग हानिरहेका हुन्छौं । मानिसलाई बाहिर बसेर गाली गर्नु हुँदैन । टीभी हेरेर रिसाउनु हुन्न । जानुपर्छ त्यो ठाउँमा । कस्तो हुँदो रहेछ बुझ्नुपर्छ । काम गर्नका लागि १५–२० दिन धेरै हो । किनकि हिजो राति हामीले एउटा (योजना) पास गरिसकेका छौं । आज ३ वटा ओके भइसकेको छ । चाहने हो भने हुँदो रहेछ । मन्त्रीलाई डायलग मात्र हान्नु हुँदैन । सके बसौंला, नसके छोडौंला ।’
विगतमा गुण्डागर्दीमा लागेको र अहिले आएर मन्त्री बनेकोबारे सामाजिक सञ्जालमा प्रशंसाभन्दा गाली बढी आएको जिज्ञासामा उनले भने, ‘कसैले मान्छ, कसैले मान्दैन । आ–आफ्नो कुरो हो । भगवान्मा पनि हामीहरूमध्ये कसैले शिवलाई मान्छौं, कसैले विष्णुलाई मान्छौं । कसैले बुद्धलाई मान्छ । बुद्ध मान्नेले भगवान् विष्णु मान्दैन । यो थाहा भएको कुरा हो । जिसस क्राइस्टलाई हामी मान्दैनौं, जिसस मान्नेले हिन्दूलाई क्रिटिसाइज गर्छन् । यो भनेको यस्तै हो । क्रिटिसाइज ठूलोे मान्छेलाई गरिन्छ । प्रधानमन्त्रीको क्रिटिसाइज हुन्छ, रिक्सावालाको त कसैले गर्दैन । अब यो बुझ्नोस् हाम्रो क्रिटिसाइज शुरू भयो भने हामीहरू ठूलोे मान्छे भएछौं ।’
पोलिटिक्स आफ्नो लागि कर भएको बताउँदै उनले रहरले नगरेको बताए । ‘म पोलिटिसियन बन्छु भनेर आएको पनि होइन । हामीले टीभी हेरेर नेतालाई गाली गर्छौं, मैले पनि गरेंं । मैले यदि काम गर्न सकिनँ भने गाली गरेको नेतासँग सरी भन्छु । राम्रो काम गरे भने उहाँहरू (जसले कमेन्ट गर्छन्) ले मसँग सरी माग्ने हो, मैले काम गर्न सकिनँ भने मैले सरी माग्नुपर्छ । हामीहरूले जुन प्लानिङ गरेका छौं, वन मन्त्रालय, कृषि मन्त्रालयको सहयोग चाहिन्छ । युवालाई कसरी परिचालन गर्ने भन्ने मेरो योजना रहन्छ । कोही टेक्निकल कामको लागि जाला, कोही प्लम्बिङ, वेल्डिङ, इलेक्ट्रियनमा जाला, त्यस्तो किसिमको प्रक्रिया हामीले मिलाएका छौं । खाली भएको जग्गा युज गर्ने हाम्रो प्लान छ,’ उनले भने ।
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...