मनमाया (कविता)

साहित्य

मनमाया (कविता)

कात्तिक २१, २०७८

– – –

चित्र खाती ‘अशोक’

मनमाया!!

Advertisment

मेरी मनमा बस्ने मनमाया

Advertisment

हुन त

तिमी मेरा लागि

कहिल्यै पनि सजिलि भईनौं

कहिले १३ कि दुना जस्ति भयौं

कहिले त्रिकोणकि कुना जस्ति भयौं

कहिले न्यूटनका नियम जस्ति भयौं

कहिले पि. टि का व्यायाम जस्ति भयौं

तर पनि

डिंगाका पछि लागेको गोठालोले जस्तै

तिम्रो पछि लाऊन कहिल्यै छोडिन

हुन त

गाडा निलो मेड्डि

अनि

आकाशे निलो सर्ट लाऊने तिम्ले

गाडा निलो पाईन्ट

अनि

आकाशे निलै सर्ट लाऊने मलाई

मन पराऊनु पर्ने हो

तर तिम्ले

जिनको पाईट र टि-सर्ट लाऊने

हप्तामा २ दिन मात्रै स्कुल आऊने

जिमदारको छोरोलाई रोज्यौ रे भन्नि हल्ला

ऊहि बेलामै नचलेको होईन्

तर पनि

स्कुलदेखि घर फर्किदा

मेरा घरमा पानी खान पस्ने तिमी

कुनै दिन मेरो घरमै बस्यौ रे भन्नि

हल्ला चल्ला

भन्ने आशमै बसेको थिॅए म

मनमाया

बर्खामा

मकैका बिरूवा पनि हल्लक बड्छन्

तिनमा पनि जुंगा पलाऊछन्

अनि जात अनुसारका

एऊटा, दुईटा, तिन्टा बा बेसी घोगा लाऊछन्

त्यस्तै

नेपालीका छोराहरूका पनि

जब जुंगाका रेखि पलाऊछन्

तब गक्ष अनुसारका देशॅा भिसा लगाऊंछन्

मेरी मनकि मनमाया

तिम्रो हल्ला चलेको छाऊरो

काठमाण्डौका क्याम्पसमा ट्यामपास गरिरहॅदा

म साऊदिका ऊंटका पछि मार्चपास गर्दैथिए

मेरी मनमाया

जे जति सके नसके पनि

लास्टॅा कुरो भन्या सम्झिने मन कै हो

बाऊकै पैसामा भएनि तिम्रो हल्ला चलेको छाऊरोले

दशैमा गाऊॅ जॅादा

तिम्लाई एक गेढो पुस्टकारी सम्झेन

अम्रिका बाट फर्कदा नि तिम्रो हल्ला चलेको लाऊरेले

एक धर्को चोलि

एक फर्को सारी सम्झेन्

तर मैले

सवरीले रामलाई दिएका बयर जस्तै

खाडिका खजुरमा हजुरलाई सम्झें

एक बारको जुनिमा

दशै छुट्टिमा गॅाऊ आऊदा

तिम्रो नाडिमा सुहैऊला भनेर

सिको फाईभ घडि सम्झें

नाईनास्ति गरेनि

एक आखार बोलौली भनेर

नोकिया १६०० सम्झे

मेरी मनमाया

मान्छेको लालसाले

मान्छेलाई अन्धो बनाऊछ भन्छन्

तिम्लाई पनि

आईफोनको जादुले तीनछक नै पार्लन्

एक दुईटा फोटा खिच्देलान् पनि

यति सम्म कि

आईफोन नै दिन्छु समेत भन्लान्

तर पनि मनमाया

जति नै फुटानि लाएनि

तिम्लाई चाईनिज मोबाईल भन्दा ठूलो

कुनै पनि मोबाईलको भॅाडो दिनेवाला छैनन्

जाबो चाईनिज जिनिससित जोबन साटिरे

भन्ने त सुन्न पनि सुहाऊदैन् मनमाया

त्यहि भएर सस्ता कुरामा जात फाल्नु हुदैन्

फोटा नै नखिचेनि मैले देको नोकिया

हातबाट खसेसी झर्यामझुरूम्मै त हुदैन

मेरी मनकि मनमाया

तिम्लाई पनि विदेशका

अग्ला अग्ला बिल्डिंग अघि खिचिएका

सग्ला सग्ला फोटाले लोभ्याऊलान्

समुद्र किनारमा खिचिएका फोटाले फकाऊलान्

तिम्लाई पनि

त्यतै जाऊली

मिठो मिठो ख्वाऊली

ठूलो घरमा बसौली

मोटर गाडि चडौली

राम्रा राम्रा गहना कपडा लाऊली

भन्ने सपना देखाऊन सक्छन् तिन्ले

तर मनमाया

ॲाखा बन्द नगरी सपना देखिन्न

त्यहि भएर यति त ख्याल गर्नु पर्छ कि

आफ्नै अघिको अस्मिता पनि चोरिएको थाह नहुन सक्छ

ॲाखा बन्द हॅुदा

मरी मनकि मनमाया

फुले जति सबै फुल हुदैनन्

कुनै कुनै पातहरू पनि हुने गर्छन्

शरदका पातहरू जस्तै

तिनी पनि

फुलभन्दा कम्ता सुन्दर त कहॅा हुन्छन् र

तर शिशिरको हुरीले

झारेर नांगेतार बनाईदिन्छ तिन्लाई

मेरी मनमाया

यदि तिम्ले पनि पात समेत रंगाऊने लालसा राख्यौ भने

गाऊभरीका डिठ्ठा, जिम्दार र साहुका छोराहरूको बैंस

कुनै हुरी बतास भन्दा कम्ता छैन्

तिम्ले सॅाचेर राखेको पात समेतलाई झारीदिन सक्छन् तिन्ले

त्यहि भएर मनमाया

तिमी पनि फुल बन्नु पर्छ

समय मै टिपिनु पर्छ

देऊरालीकै दऊताका थानमै

भएनि चढिनु पर्छ

शिशिर आऊनु भन्दा पहिल्यै

तिहार तिरै मालामा ऊनिनु पर्छ

तिम्रा छरपस्ट भएका फुलहरूलाई

सम्हाल्न एऊटा धागोको डोरो त चाहिन्छ नै

– – –

जब काकाले बाँसको झाङमा चढेर दारी काट्दै गरेका राजा वीरेन्द्रलाई देखे...

कात्तिक ८, २०८०

पहाडमा उखु पेलेर खुदो पकाउने समय पारेर मधेशको गर्मी छल्न राजेन्द्र काका (ठूलो भुँडी लागेकाले हामीले मोटे अंकल भन्थ्यौं) गुल्मीको पहाड घरमा आउँथे । चैत–वैशाखको समयमा कोलबाट पेल्दै गरेको उखुको रस, रसेट...

साहित्य

रुँदारुदै हाँसेको ‘जीवन्त सम्बन्ध’

असोज १०, २०८०

गुणराज ढकाल सामाजिक सञ्जालमा अभ्यस्त हुन थालेपछि अध्ययन गर्ने बानी निकै घटेको छ । सामाजिक सञ्जालमा आउने टिप्पणीबाटै हामीले आफ्नो दृष्टिकोण बनाउने गर्दछौं । विषयको गहिराइसम्म पुगेर अध्ययन तथा विश्लेषण गर...

साहित्य

पछुतो

बैशाख २९, २०८१

केही सयमअघिको कुरा हो । तिनताका गोपाल एक प्रतिष्ठित छापामा सम्पादकीय नेतृत्वमा थियो । प्रातःकालीन भ्रमण उसको दैनिकीमा पथ्र्यो । प्रत्येक दिन बिहान एकाध घण्टा घुम्थ्यो र खाना खाएर अफिस जाने गर्थ्यो । यसो गर्नुका दु...

साहित्य

पत्रकार भण्डारीको ‘बोरा’ उपन्यास विमोचन [भिडियोसहित]

चैत ३०, २०८०

लेखक एवं पत्रकार अखण्ड भण्डारीको उपन्यास ‘बोरा’ विमोचन भएको छ । अन्नपूर्ण पोस्ट दैनिकका प्रधान सम्पादक भण्डारीको ‘बोरा’ उपन्यास शुक्रवार काठमाडौंमा आयोजित कार्यक्रममा विमोचन गरिए...

साहित्य

लोकान्तरका स्तम्भकार रिजालसहित २२ जनालाई नइ पुरस्कार [भिडियोसहित]

चैत ३०, २०८०

लोकान्तर डट्कमका स्तम्भकार कमल रिजालसहित २२ जना साहित्यकार तथा प्रतिभालाई नइ पुरस्कार प्रदान गरिएको छ । गोरखापत्रका पूर्वप्रधान सम्पादकसमेत रहेका साहित्यकार रिजाललाई संस्कृतिमा प्राज्ञिक योगदानका लागि ’नइ...

साहित्य

पङ्गेनीको अप्रकाशित कृति गण्डकी प्रज्ञा–प्रतिष्ठानले प्रकाशन गर्ने

बैशाख ७, २०८१

दिवंगत साहित्यकार प्रकट पङ्गेनी (शिव) का प्रकाशन हुन बाँकी कृति गण्डकी प्रज्ञा–प्रतिष्ठानले प्रकाशन गरिदिने भएको छ । प्रतिष्ठानका कुलपति सूर्य खड्का विखर्चीको अध्यक्षतामा बिहीबार बसेको बैठकले गजलकार ...

आलेख

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

आलेख

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

आलेख

प्रशासनिक सुधारको पाटो ५– कर्मचारीमा व्यावसायिकता विकास

बैशाख २७, २०८१

नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...