सैद्धान्तिक छलफल सकेर संसद् भवनमै मन्त्रिपरिषद् बैठक बस्ने, त्यसपछि संसद्को दोस्रो बैठक

अमेरिकी आर्थिक सहयोग कार्यक्रम मिलेनियम च्यालेन्ज कम्प्याक्ट (एमसीसी)को व्याख्यात्मक घोषणा पारित गर्न मन्त्रिपरिषद्को बैठक बस्ने भएको छ ।

एमसीसी स्वीकृत भएपछि मन्त्रिपरिषद्को बैठक बसेर व्याख्यात्मक घोषणा अनुमोदन गर्ने तयारी भएको हो । 

प्रतिनिधि सभामा चलिरहेको एमसिसीमाथिको सैद्धान्तिक छलफल सकिएपछि अर्थमन्त्री जनार्दन शर्माले जवाफ दिने कार्यक्रम छ ।

एमसीसी स्वीकृत भएपछि मात्र मन्त्रिपरिषद्बाट व्याख्यात्मक घोषणा पारित गर्ने सरकारको तयारी छ । 

‘संसदबाट एमसीसी स्वीकृत गरेपछि मात्र मन्त्रिपरिषद् बैठक बसेर व्याख्यात्मक घोषणा पारित गर्ने तयारी छ’ सरकारका एक मन्त्रीले भने, ‘आजै दोस्रो बैठक राखेर एमसीसी अनुमोदन गर्ने तयारी छ ।’ 

संसद् सचिवालयले भने दोस्रो बैठकबारे निर्णय भइनसकेको बताएको छ । संसद् सचिवालयका प्रवक्ता डा. रोजनाथ पाण्डेले मन्त्रिपरिषद् बैठकपछि मात्र दोस्रो बैठकको टुंगो लाग्ने बताए । 

‘छलफल सकिएपछि मन्त्रीले जवाफ दिने कार्यक्रम छ, आजै दोस्रो बैठक बस्ने तयारी छ,’ पाण्डेले लोकान्तरसँग भने ।