चितवनबाट बर्डफ्लुरहित कुखुराको चल्ला बाहिर जिल्ला पठाउन शुरू गरिएको छ ।

चितवनलगायत  देशका  विभिन्न  जिल्लामा  बर्डफ्लूको सङ्क्रमण बढ्दै गएका बेला जिल्लाबाट बाहिर पठाइने चल्लामा बर्डफ्लु परीक्षण गरेर मात्रै पठाउन  थालिएको  हो  ।

 नेपाल  कुखुरा  व्यवसायी  महासङ्घका  प्रबन्ध  निर्देशक  शिवप्रसाद  बरालले  ह्याचरी  सङ्घले  आफूले  उत्पादन  गरेका  चल्ला  नेपाल  भेटेरिनरी  एसोसिएसनमार्फत  परीक्षण  गर्ने  गरेको जानकारी दिनुभयो ।

“अहिले नारायणगढ र रत्ननगरमा कुखुराका चल्लामा बर्डफ्लु परीक्षण गरेर पठाउन शुरू गरिएको छ,” बरालले भने, “चल्ला उत्पादनदेखि  ओसारपसारमै  बर्डफ्लु  रहेछ  भने  त्यसलाई नियन्त्रण गर्न परीक्षण शुरू गरिएको हो ।”

गत  आइतबार  र  बुधबार  झन्डै  पाँचवटा  गाडीका  चल्लाको  परीक्षण  गर्दा  सबैमा  बर्डफ्लु  नेगेटिभ  आएको  नेपाल  भेटेरिनरी  एसोसिएसन  बागमती  प्रदेशका  अध्यक्ष  डा.  सुलभ  श्रेष्ठले  जानकारी    दिए ।

 “हामी  हप्तामा  दुई  दिन  चल्लाको परीक्षण गर्छौं । यदि कुनै चल्लामा बर्डफ्लु देखिए तत्काल नष्ट गर्छौं,” उनले भने ।  चितवनलगायत  देशका  १३  जिल्लामा  अहिले बर्डफ्लु सङ्क्रमण फैलिएको छ । सङ्क्रमण देखिएका  क्षेत्रमा  सरकारले  कुखुराको  खोर  नियन्त्रणमा लिएर कुखुरा नष्ट गरिरहेको छ । गोरखापत्र दैनिकमा खबर छ ।