नेपाल कम्युनिस्ट पार्टी (एमाले) मकवानपुरले स्थानीय तह निर्वाचनमा  पार्टीको  आधिकारिक  उम्मेदवारविरुद्ध  स्वतन्त्र रूपमा उम्मेदवारी दिएका पार्टीका सङ्गठित सदस्यहरूलाई कारबाही गरेको छ ।

मकवानपुरगढी    गाउँपालिकाका    कृष्ण    कँडेल,   हेटौँडा   उपमहानगरपालिका–५   का   विशालराज महत, वडा नं. ११ का अक्कलबहादुर क्षेत्री,  हेटौँडा–१९  का  रत्नबहादुर  ब्लोन  र  रमेश  पौडेललाई साधारण सदस्यसमेत नरहने गरी निष्कासन गरिएको  एमालेले  जनाएको  छ  ।  

नेकपा  (एमाले)  मकवानपुरका  अध्यक्ष  एकालाल  श्रेष्ठका  अनुसार  बागी उम्मेदवारका प्रस्तावक तथा समर्थकलाई समेत पार्टीको विधानअनुसार पार्टीको साधारण सदस्यसमेत नरहने गरी निष्कासन गरिएको छ । उनले पार्टीको आधिकारिक उम्मेदवारलाई समर्थन गर्दै उम्मेदवारी फिर्ता लिन पार्टीले गरेको निर्देशनलाई अवज्ञा गर्नेलाई कारबाही गरिएको बताए । गोरखापत्र दैनिकमा खबर छ ।