फेरि पनि चुनाव जिती छोड्नु छ...

राजनीति

एउटा यस्तो शस्त्र जसको प्रहारमा

कोही कोहीलाई सुखै सुख छ

कोही कोहीलाई दुखैदु:ख छ

सधै दिनभर हाँस्ने बोल्ने साथी आज साथी छैनन्

अर्को पार्टीका कार्यकर्ता पो त

फेरि केहीलाई जसरी नी चुनाव जित्नु छ

ठूलै पार्टी भनाउँदाको टाउके पो त ।

आफ्नो पार्टीको त बिरालो नी बाघ रे

आफ्नो पार्टीको त चोर नी सज्जन रे

आफ्नो पार्टीको त सबै राम्रै मात्र काम रे

अर्काको नी अर्काको

अर्का पार्टीको बाघ नी बिरालो रे, सज्जन नी चोर रे

अर्काले गरेको त राम्रै काम नी चाल रे

अर्काको पो त।

भिजन, मिसन ,रणनीति केही मिल्नु छैन तर जसरी नी गठबन्धन गर्नु छ

एउटाबाट अर्को अर्कोबाट अर्को पार्टी फेर्नु छ,

आखिर जसरी नी त्यो पद लिई छाड्नु छ

आखिर जसरी नी आफू जिती छोड्नु छ

आखिर जसरी नी आफू बनी छोड्नु छ

आज दाजु भाइ लडाएर

आज छिमेकी भँडाएर

दिनभर जनतालाई प्रलोभन देखाएर

अनी त्यसमै भए नभएका आश्वासन पनि मिसाएर

फेरि पनि जनतालाई बेवकुफ बनाई छोड्नु छ

फेरि पनि चुनाव जिती छोड्नु छ

ठूलै पार्टी भनाउँदाको टाउके पो त !! 

-बबिता पन्थ