झण्डै एक वर्षपछि संसदमा एमाले अध्यक्ष ओलीको सम्बोधन

प्रतिनिधि सभामा प्रमुख प्रतिपक्षी दल नेकपा एमालेका अध्यक्ष केपी शर्मा ओलीले सम्बोधन शुरू गरेका छन् ।

बिहीवार बसेको प्रतिनिधि सभा बैठकको शुरूमै प्रतिपक्षी दलका नेता ओलीले सरकारका नीति तथा कार्यक्रम माथिको छलफलमा भाग लिएका हुन् । 

ओलीले सम्बोधन गर्दा प्रधानमन्त्री शेरबहादुर देउवा संसदमा उपस्थित छन् ।

स्वास्थ्यको कारण भन्दै ओली कुर्सीमा बसेर रोष्ट्रमबाट सम्बोधन गरिरहेका छन् । 

ओलीको आग्रहमा संसद सचिवालयले ओलीलाई रोष्ट्रममा कुर्सीको व्यवस्था गरिदिएको छ । 

गत भदौ २०७८ भदौ २३ गतेदेखि एमालेले गरेको संसद अवरोध जेठ ३ गते सकिएको थियो । 

संसद खुलेपछि ओलीले पहिलो पटक सम्बोधन गरेका हुन् ।