सरकारका नीति तथा कार्यक्रमप्रति ओलीको टिप्पणी–चास्नीमा हाल्न नपाएको, तेलमा तारेको जेरी जस्तो

प्रमुख प्रतिपक्षी दल नेकपा एमालेका अध्यक्ष केपी शर्मा ओलीले सरकारले संसदमा पेश गरेको सरकारका नीति तथा कार्यक्रम चास्नीमा हाल्न नपाएको जेरी जस्तो भएको टिप्पणी गरेका छन् । 

गठबन्धन जस्तै सरकारको नीति तथा कार्यक्रम दिशाहीन रहेको उनले टिप्पणी गरे ।  

बिहीवार बसेको प्रतिनिधि सभा बैठकमा सरकारका नीति तथा कार्यक्रम माथिको छलफलको शुरूमा भाग लिँदै ओलीले संसदमा पेश गरिएको दस्तावेज ‘अर्थ न बर्थ गोविन्द गाई’ जस्तो भएको बताएका हुन् । 

‘सरकारको नीति तथा कार्यक्रम चास्नीमा डुवाउन भुलिएको, तेलमा तारीको जेरी जस्तो छ, जेलिएको र स्वादहीन छ,’ ओलीले भने । 

ओलीले सरकारका नीति तथा कार्यक्रम अर्थतन्त्रप्रति अत्यन्त गैरजिम्मेवारपन देखिएको आरोप लगाए ।