प्रतिनिधि सभाको सोमवारको बैठकले ‘राष्ट्र ऋण उठाउने विधेयक २०७९’ र ‘ऋण तथा जमानत (पच्चिसौँ संशोधन) विधेयक २०७९’ लाई बहुमतले पारित गरेको छ । 

अर्थमन्त्री जनार्दन शर्माले प्रस्तुत गरेका ती विधेयक पारित गरियोस् भन्ने प्रस्ताव पेश गरेका थिए । ती विधेयक कानूनका रूपमा आगामी साउन १ गतेदेखि कार्यान्वयन हुनेछ ।

त्यसअघि बैठकमा कानून न्याय तथा मानव अधिकार समितिका सभापति कृष्णभक्त पोखरेलले कानून न्याय तथा मानव अधिकार समितिको वार्षिक प्रतिवेदन २०७९’ पेश गरेका थिए ।

प्रतिनिधि सभाको अर्को बैठक असार ७ गते मंगलवार दिउँसो १ः०० बजे बस्नेछ ।