कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
असार ११, २०७९
गठन भएको एक वर्ष नबित्दै चर्को विवादको भूमरीमा परेको एकीकृत समाजवादी पार्टीको केन्द्रीय कमिटीको बैठक जारी छ ।
बैठकमा पार्टी भित्रको विवाद, स्थानीय तह निर्वाचनको समीक्षा र आगामी निर्वाचनको योजना बारेमा छलफल हुने बताइएको छ । तर, बैठकमा मुख्यगरी सरकारमा सहभागी मन्त्री फिर्ता बोलाउने विषयबाट शुरू भएको विवादमा छलफल केन्द्रीत भएको छ ।
सरकारमा सहभागी मन्त्रीहरूको विषयलाई लिएर पार्टी भित्र विवाद चुलिएको छ ।
जेठ २२ को सचिवालय बैठकले एक्कासी मन्त्री फिर्ता बोलाउने र नयाँलाई पठाउने निर्णय लिएपछि एकीकृत समाजवादीभित्र विवाद झाङ्गिएको हो ।
त्यसबेला एकीकृत समाजवादीका अध्यक्ष माधव नेपालले प्रधानमन्त्री शेरबहादुर देउवासँगको परामर्शमा नै आफ्ना पार्टीको मन्त्री फिर्ता बोलाउने निर्णय गराएका थिए । तर, पछि प्रधानमन्त्री देउवा पूर्व सहमतिबाट पछि हटेको एकीकृत समाजवादीका नेताहरूको आरोप छ ।
एकीकृत समाजवादीको तर्फबाट सरकारमा सहभागी स्वास्थ्यमन्त्री विरोध खतिवडा, शहरी विकासमन्त्री रामकुमारी झाँक्री, पर्यटन मन्त्री प्रेम आले र श्रम तथा रोजगार मन्त्री कृष्णकुमार श्रेष्ठलाई फिर्ता बोलाउने निर्णय भएको छ ।
स्वास्थ्य राज्यमन्त्रीको जिम्मेवारीमा रहेका भवानी खापुङलाई भने स्वास्थ्यमन्त्रीमा बढुवा गर्ने र अन्य नयाँ मन्त्रीको जिम्मेवारीमा जीवनराम श्रेष्ठलाई पर्यटन, शेरबहादुर कुँवरलाई श्रम, मेटमणि चौधरीलाई शहरी विकास र हिरा केसीलाई स्वास्थ्य राज्यमन्त्रीको जिम्मेवारीमा पठाउने एकीकृत समाजवादीको निर्णय छ ।
एकीकृत समाजवादीका नेताहरू केही घण्टामै मन्त्रिपरिषद् हेरफेर हुने दावी गर्छन् तर, प्रधानमन्त्री देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’ भने अहिले मन्त्रिपरिषद नचलाउने पक्षमा छन् ।
गठबन्धनका सहयात्री दलका शीर्ष नेताले असहयोग गरेका कारण एकीकृत समाजवादीका अध्यक्ष माधव नेपाल आफ्नै निर्णयको बन्दी भएका छन् ।
उनी यतिबेला दोहोरो दबाबमा छन् । सरकारमा रहेका मन्त्रीहरूले फिर्ता नहुने अड्डी लिएका छन् भने मन्त्री सिफारिस भएका नेताहरूले चाँडो सपथको व्यवस्था मिलाउन दबाब दिइरहेका छन् ।
तर, फिर्ता हुन नचाहने मन्त्रीहरूले सरकारबाट फिर्ता बोलाउने निर्णयको प्रक्रियामा र वैधानिकता माथि नै प्रश्न उठाएका छन् । सरकारबाट फिर्ता बोलाउनुपर्ने निर्णय संसदीय दलबाट हुनुपर्ने तर्क गरेका छन् ।
एकीकृत समाजवादीले भने सचिवालय बैठकबाट निर्णय गरेको मन्त्री फिर्ता बोलाएको थियो । उक्त निर्णयलाई स्थायी कमिटीले पनि अनुमोदन गरिसकेको छ ।
निर्णयको वैधतामा प्रश्न उठाएर सांसद तथा मन्त्रीहरूले संसदीय दलको बैठक माग गर्दै निवेदन नै दिएका थिए । उक्त निवेदनमा पर्यटन मन्त्री प्रेम आले, स्वास्थ्यमन्त्री विरोध खतिवडा, शहरी विकासमन्त्री रामकुमारी झाँक्री श्रम रोजगार तथा सामाजिक सुरक्षामन्त्री कृष्णकुमार श्रेष्ठ, सांसदहरू कृष्णलाल महर्जन, गोपालबहादुर बम, वीनादेवी बुढाथोकी, पुष्पाकुमारी कर्ण कायस्थ, धनबहादुर बुढा, निरादेवी जैरुले हस्ताक्षर गरेका थिए ।
शनिबार केन्द्रीय कमिटीको बैठक शुरु हुनुअघि प्रेम आले, कृष्णलाल महर्जन, गोपालबहादुर बम, वीनादेवी बुढाथोकी, पुष्पाकुमारी कर्ण कायस्थ, धनबहादुर बुढाले भने हस्ताक्षर फिर्ता गरेका छन् ।
निवेदन दिने स्वास्थ्यमन्त्री विरोध खतिवडा, शहरी विकासमन्त्री रामकुमारी झाँक्री श्रम रोजगार तथा सामाजिक सुरक्षामन्त्री कृष्णकुमार श्रेष्ठ र सासंद ले भने हस्ताक्षर फिर्ता गरेका छैनन् ।
मन्त्री सिफारिस भएका सांसदहरूले दबाब सिर्जना गरेको र पार्टीको निर्णय कार्यान्वयन गर्न नसकेको आरोप लागेपछि अध्यक्ष नेपालले गत बुधबार मन्त्रीहरूलाई आफ्नै निवासमा बोलाएर पार्टीको निर्णय मान्न भनेका थिए । तर, उक्त छलफलमा मन्त्रीहरू र अध्यक्ष नेपालबीच चर्काचर्की नै परेको थियो ।
मन्त्री रामकुमारी झाँक्रीले आफूले राम्रो काम गरिरहेको अवस्थामा निरन्तर काम गर्न नदिएर हटाउनु अन्यायपूर्ण भएको तर्क गरेकी थिइन् । नेता नेपालले भने ६ महिनाको लागि मात्रै मन्त्रीमा पठाइएको र अरुलाई अवसर दिनुपर्ने भनेका थिए । तर, त्यसदिनको छलफल सौहार्दपूर्ण हुन नसकेको एकीकृत समाजवादीका नेताहरू बताउँछन् ।
एकीकृत समाजवादीबाट मन्त्री फिर्ता गराउन र नयाँलाई पठाउने वातावरण बनाउनमा एकीकृत समाजवादीका ‘सम्मानित नेता’ झलनाथ खनालको भूमिका रहेको उक्त पार्टीका नेताहरू बताउँछन् ।
मन्त्रीबाट फिर्ता हुन परेपछि एकीकृत समाजवादीबाट मन्त्री भएकाहरूले प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल समक्ष गएर आफ्नो पद जोगाइदिन हारगुहार गरेको समाजवादीकै नेताहरू बताउँछन् ।
प्रधानमन्त्री शेरबहादुर देउवालाई अध्यक्ष नेपालले नयाँ मन्त्रीलाई सपथ गराउन भन्दा उनले पार्टी भित्रको विवाद मिलाएर आउन सुझाव दिएको विषय एकीकृत समाजवादी भित्र चर्चामा छ ।
एकीकृत समाजवादीबाट सरकारमा सहभागी रहेका मन्त्री फेर्ने सचिवालय बैठकको निर्णयलाई केन्द्रीय कमिटीले कसरी सम्बोधन गर्छ भन्ने कुराले उक्त पार्टी भित्रको विवाद व्यवस्थापनको निक्र्यौल हुन्छ । बैठकले लिने निर्णयबारे एकीकृत समाजवादीका कार्यकर्ता र गठबन्धनमा रहेका दलहरूले चासो दिइरहेका छन् ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
प्रकृतिको नियम के भने जति माथि पुग्यो उति झुक्नुपर्ने, गएको ठाउँ हेर्नैपर्ने, गएको ठाउँमा फर्कनै पर्ने । ठूलाठूला बोइङ्गहरू आकाशमा उड्छन्, बादलपारीको मुलुकमा पुग्छन्, समुद्रपारीको मुलुकसम्म पुग्छन् तर, पनि उनीहरू त्...
राणा शासनकालको प्रशासनिक व्यवस्थामा 'माथि' भन्नाले प्रधानमन्त्रीलाई बुझाउँदथ्यो । राजाको शासनकालमा दरबार वा राजालाई माथि भनिन्थ्यो । कर्मचारीले इमान्दारिता छाडेमा वा अनैतिक काम गरेमा कुरा माथि पुग्दथ्यो ...
जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...