कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
कात्तिक २१, २०७९
पूर्वप्रधानमन्त्री तथा सत्तारूढ गठबन्धन साझेदार दल नेकपा (एकीकृत समाजवादी)का अध्यक्ष माधव कुमार नेपाल रौतहटको क्षेत्र नम्बर १ बाट प्रतिनिधिसभाका उम्मेदवार छन् ।
अहिले उनी आफ्नो क्षेत्रका मतदाताहरूसँग प्रत्यक्ष भेटघाट गरी मत माग्नका लागि घरदैलोमा व्यस्त छन् । घरदैलोकै क्रममा नेपाल शनिवार यमुनामाई गाउँपालिका वडा नम्बर–४ सरुअठ्ठामा रहेको ताज मोहम्मदको घरमा आयोजित कार्यक्रममा भेटिए ।
त्यसैक्रममा केही समय लिएर लोकान्तरकर्मी विन्देश दहाल र अजयअनुरागीले नेता नेपालसँग कुराकानी गरेका छन् । प्रस्तुत छ, कुराकानीको सम्पादित अंश :
तपाईं त काठमाडौंबाट चुनाव लड्ने चर्चा थियो, तर रौतहट नै रोज्नुभयो, किन ?
– मैले तीन ठाउँमा लडेर चुनाव जित्दै आएको हुँ । रौतहटको १ र ४ अनि काठमाडौंको पनि निर्वाचन क्षेत्रमा मैले लडेको हो । तर संविधान जारी भइसकेपछि एकजना उम्मेदवार एक ठाउँबाट मात्र उठ्न पाइन्छ ।
एक ठाउँबाट मात्र उठ्न पाइने भएपछि सबैले रौतहटमा आएर चुनाव लड्नुस् भनेर आग्रह गर्नुभयो । अझ, क्षेत्र नम्बर १ मै आउनुस् भन्नुभयो । अनि यो पनि जन्मभूमि पनि, कर्मभूमि पनि भएकाले जिल्लासँग मेरो सम्बन्ध छ । यही नाताले मैले यहाँको निर्वाचन क्षेत्र रोजें ।
यो क्षेत्र रोजिसकेपछि अहिले चुनावी अभियान राम्रो हुँदैछ । माथिबाट (प्रतिनिधिसभामा) म उठेको छु अनि प्रदेशमा नेपाली कांग्रेसका दुईजना उठ्नुभएको छ । गाउँगाउँमा अभियान चलिरहेको छ ।
सबै ठाउँमा रेस्पोन्स निकै राम्रो आइरहेको छ । जनतामा राम्रो उत्साह छ । जनताको ठूलो माया र विश्वास हुने आशा र अपेक्षा गरेको छु । बूढापाकादेखि महिला अनि नौजवानदेखि लिएर व्यापारीहरूसम्म अनि गठबन्धनबाहेकका अरू पार्टीका मान्छेहरूले पनि हामीलाई साथ दिनुहुन्छ भन्ने आशा गरेका छौं ।
देशैभरिमा तपाईंको पार्टीले कति सीट जित्ने अनुमान गर्नुभएको छ ?
– हामीले प्रत्यक्षमा जति ठाउँमा उम्मेदवार उठाएका छौं, ती सबै ठाउँमा जित्छौं भन्ने हामीलाई विश्वास छ । समानुपातिकको कुरा गर्दा, मत कति आउँछ त्यसले तय गर्छ । हामीले स्थानीय तहमा साढे ९ लाख मत पाएका थियौं भने कमसेकम २७ प्रतिशत उम्मेदवार खडा गर्दा पनि ९ लाख मत प्राप्त गरेका थियौं । त्यतिखेर हामीले जोड्दाखेरी, पालिकामा पाएको मत त्यसैमा जोडेका थियौं । त्यतिखेर हामीले सबैतिर उम्मेदवार उठाएको भए अहिलेको भन्दा दुईतीन गुणा बढी मत ल्याउने रहेछौं । हामीले कम्तीमा पनि २० लाख मत ल्याएछौं भने पनि १५–२० सीट थपिन सक्नेछ । त्यो थपिनेबित्तिकै हामी संसदमा चौथो शक्तिका रूपमा उभिनेछौं ।
तपाईं गठबन्धनको नेता हुनुहुन्छ । तर तपाईंकै पार्टीका कार्यकर्ताले गठबन्धन साझेदार कांग्रेसबाट मत नआउने हो कि भनेर शंका गरेको हामीले पायौं । तपाईंलाई कांग्रेसको मत आउला जस्तो लाग्छ ?
– मैले यस जिल्लामा त्यो समस्या देखेको छैन । कुनै जिल्लामा त्यस्तो समस्या छ भने त्यहाँका पार्टीका नेताहरूलाई हामीले भन्नुपर्छ । ताकेता गर्नुपर्छ । यो एकअर्कामाथि आशंका र अविश्वास पैदा गर्ने कोशिश पनि हुन सक्दछ । हामीले यथार्थ बुझ्नुपर्दछ र त्यही आधारमा अघि बढ्नुपर्दछ ।
गठबन्धनमा चित्त नबुझाएर कतिपय ठाउँमा बागी उम्मेदवारहरू उठ्नुभएको छ । त्यसले पनि त तपाईंहरूलाई गाह्रो पार्न सक्छ होला नि !
– हो, कतिपय स्थानमा त्यस्तो समस्या परिरहेको छ । अन्तिम समयसम्म उहाँहरूलाई फकाउन हामी कोशिश गरिरहन्छौं ।
चुनावपछिको प्रधानमन्त्री तपाईं हो ?
– (हाँस्दै) प्रधानमन्त्री को हुनेछ कसैले भन्न सक्दैन । प्रधानमन्त्री पछि चयन गर्छौं । प्रधानमन्त्रीको लागि काबिल मान्छे को छ त्यसैको आधारमा तय हुन्छ ।
प्रधानमन्त्री पदमा शेरबहादुर देउवा र पुष्पकमल दाहाल प्रचण्डले दाबी गरिरहनुभएको छ । तपाईंले यसरी सार्वजनिक रूपमा बोल्नुभएको छैन । हैसियत नपुगेर हो ?
– मेरो हैसियत सबैलाई थाहा छँदैछ क्यार । दुईदुईपटक मुलुक चलाएको व्यक्ति हुँ ः एकपटक उपप्रधानमन्त्रीका रूपमा, एकपटक प्रधानमन्त्रीका रूपमा । मबाट यो मुलुकले कति पायो भन्ने कुरा मैले हैन, मुलुक र जनताले भन्ने हो । मेरो धेरै बोल्ने बानी छैन, काम गर्ने बानी छ । न्युजमा कसरी आउने भन्ने बानी छैन । जसले भूमिका खेलेको छ, त्यसलाई मान्छेले सम्झना गर्छन् । त्यो दाबेदार हुन्छ नै । सबैलाई थाहा छ, गिरिजाबाबुलाई प्रधानमन्त्री मैले बनाएको थिएँ । त्यसपछि गिरिजाबाबुले मलाई प्रधानमन्त्री बनाएकै हो ।
प्रचण्डले मैले प्रधानमन्त्री बनाएको भन्नुहुन्छ नि !
– हैन, प्रचण्डजीले मलाई सांसद बनाउनुभएको हो । उहाँले त पहिला मलाई अस्वीकारै गरेको हो । पछि गएर हाम्रो सम्बन्ध सुध्रिँदै गयो । उहाँको ठूलो समस्यालाई मैले नै समाधान गरें । सबभन्दा ठूलो कुरा के भने आफ्नो खुट्टामा उभिने हो, आफ्नो शक्ति तयार पार्ने हो । शक्ति तयार भएको छ भने, आँट छ भने, खुबी र क्षमता छ भने, समयको माग छ भने स्वाभाविक रूपमा कसैले रोकेर छेकेर त्यो छेकिनेवाला छैन ।
भनेपछि गठबन्धनमा अहिले पावर शेयरिङको कुरा केही भएको छैन ?
– केही भएको छैन ।
राष्ट्रपति पद झलनाथ खनाललाई देलान् भनेर कतिपयले आकलन गरेका छन् नि !
– हामीले अहिले त्यसबारेमा पनि छलफल गरेका छैनौं । राष्ट्रपति, सभामुख, राष्ट्रिय सभाको अध्यक्ष, प्रधानमन्त्रीका कुरा आउलान् । ती विभिन्नको बारेमा अहिले छलफल गर्ने बेला हैन, पछि हामी छलफल गर्नेछौं ।
हामी यस क्षेत्रमा घुम्दा पूर्वप्रधानमन्त्री भइसकेको मान्छेको क्षेत्रमा खासै विकास भएन भन्ने प्रतिक्रिया आयो । तपाईंका प्रतिद्वन्द्वी उम्मेदवार अजय गुप्ताले तपाईंलाई २०७० सालमा कडा टक्कर दिनुभएको थियो । अहिले पनि तपाईंले विकासै गर्नुभएको छैन, अप्ठ्यारोमा पर्नुहुन्छ भनिरहेका छन्, के भन्नुहुन्छ ?
– उहाँ आफू मेयर हुँदा गरेको भ्रष्टाचार छ नि । भ्रष्टाचार गरेकै कारण उहाँ मेयरमा हारेको हो । एउटा मेयरमा त पछारिने मान्छेले सक्ला मुकाबला गर्न ? आशै नगरे हुन्छ किनभने यहाँ एमालेको संगठनै छैन । उहाँ कुन पार्टीको हो कसैलाई थाहै छैन । उहाँ आयाराम गयाराम हो । त्यस्तो मान्छेलाई कसले पत्याउने ? उहाँको आफ्नो कुनै पार्टी नै छैन, धरातलै छैन, खाली पैसा कमाउने ध्यान मात्र छ, केही पनि विकासको काम गरेकै छैन ।
मैले त्यत्रो साढे ७ करोड रुपैयाँ पठाएको छु । २०० करोडको बाटोको योजना मैले बनाएको छु । बाटोमा कति अनुगमन गर्नुभएको छ ? कामको क्वालिटी हेरौं ।
अहिले उहाँको घर बाँचेको छ । वाग्मतीमा तटबन्ध मैले नबनाएको भए उहाँको परिवार सुरक्षित हुन्थ्यो ? गौर–चन्द्रनिगाहपुर सडकको योजना मैले नबनाएको भए उहाँ अहिले मुख देखाएर हिँड्न सक्ने अवस्थामा हुनुहुन्थ्यो ? यस क्षेत्रमा यति धेरै बाटो पिच भएको छ, त्यो कसको योगदान हो, सोध्नुस् । अनि यत्राविधि विद्यालयका भवनहरू बनाइएका छन्, पुलहरू बनाइएका छन्– यी सबै कसले गरेको हो ? गौर हस्पिटलको त्यत्रो शानदार भवन कसले निर्माण गरेको हो ?
तर वीरेन्द्र मलिक, लक्ष्मीनारायण लगायतले गरेको कामको जस तपार्ईंले लिनुभएको भन्ने प्रतिक्रिया आयो त ।
– ती सबैको नेता म हुँ । वीरेन्द्र मलिक मेरो सहयोगी हो । उनीहरूले मेरो अन्तर्गत रहेर काम गरेको हो । मैले रौतहट विकास गुठी बनाएको हो । त्यस गुठीका लागि विभिन्न देशबाट आर्थिक सहयोग मैले ल्याएको हो । यस्तोमा मेरो नाम वीरेन्द्र मलिकको नामसँग जोड्न मिल्छ ?
देउवा, प्रचण्ड, केपी ओलीले आ–आफ्नो क्षेत्रमा विकास गर्नुभयो तर तपाईंले गर्नुभएको छैन भनी आरोप लगाइरहेका छन् । त्यस्तो हैन त्यसो भए ?
– प्रचण्डजीको अनुकूलता के थियो भने मेयर उहाँको आफ्नै छोरी । यहाँ पनि हाम्रो मेयर भइदिएको भए शानदार गरिन्थ्यो । कलाकुञ्ज विद्यालयका लागि पटक-पटक पठाएको पैसाको तपाईं छानबिन गर्नुस् त अहिले । त्यत्रो राइसमिलको जग्गालाई अधिग्रहण गरेकोमा भित्रभित्रै पैसा खान खोजेको, त्यसको छानबिन हुन्छ नि भोलि ।
तपाईं आफैं पढ्नुभएको जुद्ध माविको होस्टल शिलान्यास गर्नुभएको थियो, अहिलेसम्म बनेन भनिँदैछ त ।
– बनेको घरको भवन बिगार्ने को ? ठेकेदार त उनीहरू नै हुन् । तिनीहरूले ठेक्काबाट सबै पैसा खाएर कामै गरेनन् ।
अनि एउटा पुलको पनि शिलान्यास गर्नुभएको, त्यो पनि बनेन रे !
– पुल बन्यो । नदीले पछि कोर्स चेन्ज गर्यो । पछि केपी ओलीले हुन दिएनन् । त्यसपछि अहिले फेरि टेन्डर प्रक्रियामा गइसकेको छ ।
यहाँहरूको पार्टीको एकता प्रक्रिया चुनावपछि के हुने हो ? माओवादीसँग कि एमालेसँग एकता होला ?
– म सिंगो वाम शक्तिलाई एकताबद्ध गर्न चाहन्छु, सानो दायरामा हैन । एक वा दुई वर्ष हैन, भविष्यसम्मको कुरा सोच्छौं । कम्युनिस्ट पार्टीमा राष्ट्रिय जनमोर्चा किन अलग रहने, जोशीजी किन अलग रहने, प्रचण्डजी किन अलग रहने, मोहन वैद्यजी किन अलग रहने ? ती जम्मै पार्टीलाई मिलाउने काममा मेरो भूमिका रहन्छ ।
एमालेसँग नमिल्ने ?
– ऊ आउनुपर्यो नि । आउनुपरेन ? चाहना हुनुपर्यो नि पहिले । विचार मिल्नुपर्यो, सिद्धान्त मिल्नुपर्यो, संगठनात्मक सिद्धान्तको मान्यतामा एक हुनुपर्यो, सबै हिसाबले सँगै जाने चाहना र भावना हुनुपर्यो ।
हेर्नुहोस्, भिडियो :
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...