कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
कात्तिक २४, २०७९
काठमाडौं मध्यबानेश्वरस्थित रत्नराज्य स्कूलनजिकैको भित्री सडकमा चुनावी घरदैलोको ब्यानरसहित राप्रपाका केही कार्यकर्ता भेला भएका थिए ।
केहीबेरमा रवीन्द्र मिश्र पनि आइपुगे । मिश्र राप्रपाबाट काठमाडौं– १ का प्रतिनिधिसभा सदस्य पदका उम्मेदवार हुन् । त्यहाँ रहेका एकजनाले उनलाई शुभकामना दिँदै खादा पहिर्याइदिए ।
रवीन्द्रले तत्कालै त्यो खादा झिकेर उनैलाई लगाइदिए । ‘मेरो फेरि के बानी छ भने जसले मलाई माया गरेर खादा लगाइदिनुभयो, मैले पनि मायाले त्यो खादा उहाँलाई नै लगाइदिने गरेको छु,’ खदा पहिर्याउँदै रवीन्द्रले भने ।
पछिल्लो केही दिनयता यसैगरी रवीन्द्रको चुनावी घरदैलो चलिरहेको छ ।
त्यहाँबाट रवीन्द्रको टोली भेनस अस्पतालतर्फ अगाडि बढ्ने तयारी गर्दैथियो । ‘ट्राफिक (सवारी साधन)चाहिँ नरोक्नुस् है,’ रवीन्द्रले टोलीका सदस्यहरूलाई आग्रह गरे ।
टोली त्यहाँबाट भेनस अस्पताल पार गर्दै बाँयातर्फ रहेको ‘पशुपति कोलोनी’भित्र छिर्यो । ‘नमस्कार’ गर्दै रवीन्द्र कोलोनीभित्रका एक–एक घरमा पुगे ।
‘देश बिग्रियो । छोराछोरी कोही नबस्ने भए यो देशमा । अब तपाईंहामी मिलेर छोराछोरी बस्ने देश बनाऔं भन्न आएको हुँ,’ अलि पाका मानिस भेटिँदा उनी भन्थे ।
युवाहरूका अगाडि अलि फरक भाषाशैली थियो, ‘वृद्धवृद्धा मात्र बस्ने देश हुन लाग्यो । तपाईंहरूको पुस्ताका लागि यो देश बस्न योग्य बनाउनु छ । त्यसैले यसपटक हलोमा मतदान गर्नुस् है । अरूलाई पनि भन्नुहोस् है ।’
दोहोरो कुराकानी गरेका मतदातालाई उनी आफ्नो पुस्तक ‘विचारभन्दा माथि देश’ र पर्चा दिन्थे । अन्यलाई कार्यकर्ताहरूले पर्चा बाँडिरहेका थिए । घरघरमा पर्चा छाड्दै टोली अगाडि बढेको थियो ।
त्यहाँबाट फर्किएर प्रचार टोली भेनस अस्पतालको साइडबाट भित्रतर्फ छिर्यो । भीडमा रहेका रवीन्द्र टाढैबाट मतदाताहरूको नजरमा पर्थे ।
घरको छततिर रहेका मतदातालाई पनि उनी टाढैबाट नमस्कार गर्थे । उनको अनुहारसँग अधिकांश मतदाताहरू परिचित रहेको पाइयो ।
घरदैलोका क्रममा थुप्रैले उनीसँग तस्वीर समेत खिचाए, विशेषगरी युवाहरू । उनलाई देखेपछि कतिले मोटरसाइकल/कार रोकेर समेत कुराकानी गरेको देखियो ।
यत्तिकैमा रविन्द्रको भेट दुई महिलासँग भयो ।
उनीहरू नेपाली कांग्रेसनिकट रहेछन् । यद्यपि यसपटक भने रवीन्द्रलाई भोट दिने वाचा गरे । उनीहरूले तस्वीर र भिडियो भने नखिचिदिन पहिल्यै आग्रह गरेका थिए ।
भेटिएका अघिकांशले उनलाई मत दिने वाचा गरे ।
काठमाडौं महानगरका चारवटा (१०, ११, २९ र ३१) मिलेर बनेको यस क्षेत्रमा रवीन्द्रका अलावा नेपाली कांग्रेसका प्रकाशमान सिंह, प्रमुख प्रतिपक्षी दल एमालेका किरण पौडेल, राष्ट्रिय स्वतन्त्र पार्टीका पुकार बम र सुशासन पार्टीका रमेश खरेललगायत प्रतिस्पर्धामा छन् ।
अघिल्लोपटक कांग्रेसका प्रकाशमान सिंहसँग करीब ८ सय मतले पराजित भएका रवीन्द्रले यसपटक ८ हजार मतान्तरले चुनाव जित्ने दाबी गरे ।
‘यो पटक शानदार जीत हुन्छ भन्ने कुरामा हामीलाई शंकै छैन । देखिहाल्नु भयो, सबैले माहोल तपाईंकै छ भन्नुभएको छ । यो वडामा मात्रै होइन, चारवटै वडामा एकदमै राम्रो माहोल देखिएको छ,’ रवीन्द्रले लोकान्तरसँग भने, ‘कसैले षड्यन्त्र गरेछ भनेपनि त्यो षड्यन्त्र समेत चिरेर विजयी हुने विश्वास छ ।’
थप तस्वीर :
उनले थपे, ‘मैले अलि अगाडिदेखि भन्दै आएको छु, गएको चुनाव ८ सय मतको अन्तरले हारें । त्यो भनेको खास त ४ सय मत हो । तर, यो पटक ८ हजार मतको अन्तरले जित्छु । त्यही आत्मविश्वसका साथ हामी हिँडिरहेका छौं ।’
यस क्षेत्रमा विभिन्न किसिमका समस्या रहेको भन्दै उनले तिनलाई सम्बोधन गर्न पहल गर्ने बताए । ‘कसैले बाटोको कुरा गर्नुभएको छ । कसैले पानीको कुरा गर्नुभएको छ । कसैले बिजुलीको कुरा गर्ने गर्नुहुन्छ,’ मिश्रले भने, ‘त्यसभन्दा पनि बढी यो ठाउँमा सार्वजनिक जग्गाहरू छन् । यो ठाउँ भएर बहने नदी छ । ढलको व्यवस्थापनको कुरा छ । केटाकेटीहरू खेल्ने ठाउँ, वृद्धवृद्धाहरू टहलिने ठाउँका कुरा छन् ।’
मिश्रले थपे, ‘यी सबै विषयमा डिल गर्दा यहाँ आएर सामुदायिक भेटघाट र मिटिङहरू गर्छु । त्यो मिटिङबाट कुन आवाज मुखरित गर्नुपर्ने हो, संसदमा । र, कुन कुरामा हस्तक्षेपकारी भूमिका खेल्नुपर्ने हो, त्यो अनुसार काम गर्छु ।’
उनले जुन पार्टीमा भएपनि पार्टीभन्दा माथि उठेर आफूलाई मतदान गर्न आग्रह गरे ।
‘कुनचाहिँ उम्मेदवार राम्रो हो भनेर मूल्यांकनका आधारमा भोट गरिदिनुपर्यो । जुन देशमा हरेक नागरिकले राजनीति गर्छन्, त्यो देशको हालत हाम्रैजस्तो हुन्छ,’ मिश्रले भने, ‘थोरै नागरिकले राजनीति गर्ने र धेरै नागरिक स्वतन्त्र भैदिए भने गुणदोषका आधारमा राम्रो उम्मेदवारलाई नीति निर्माणको तहमा, कार्यकारी तहमा पुर्याउन सक्छन् । अब पार्टीभन्दा माथि उठेर सोचिदिऔं भन्ने मेरो आग्रह हो ।’
भिडियाेमा हेर्नुहाेस् रवीन्द्र मिश्रकाे घरदैलाे
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...