देउवालाई ओलीको प्रश्न– मैलै तपाईंलाई नै गुरु मानेर संसद् विघटन गरें, उल्टै हमला ?

एमाले अध्यक्ष केपी शर्मा ओलीले संसद् विघटनमा शेरबहादुर देउवालाई आफूले गुरु माने पनि उनले आफूमाथि नै हलमा गरेको बताएका छन् । 

यसअघि पटकपटक संसद् विघटन गर्ने इतिहास देउवाको भएकाले आफूले गुरु माने पनि उनैले आफूलाई हमला गर्नु सुहाउने विषय नभएको ओलीले बताएका हुन् । 

‘संसद् विघटन गरेर १९ माघको प्रतिगमनमा पुर्‍याएको देउवाजीले नै होइन ? त्योभन्दा अगाडि पनि कतिपटक संसद् विघटन भए ? झन् गुरु मान्दा नै हमला ?’ ओलीले भने, ‘मेरो मित्रलाई मैले सम्झाएको मात्रै हो, यत्तिसारो स्थिरतावादी किन ?’ 

ओलीअघि बोलेका देउवाले ओलीले फेरि संविधान र व्यवस्थालाई चुनौती दिएपछि कांग्रेस विश्वासको मतको पक्षमा उभिएको बताएका थिए । 

यसको काउन्टरमा ओलीले देउवालाई आफ्नो गुरू भनेका हुन् । 

ओली आफूले दुईपटक गरेको प्रतिनिधिसभा विघटनलाई प्रतिगमन नभई स्वाभाविक भएको जिकिर गर्दै आएका छन् ।